ახალი ამბები
ISFED-ის რეგიონული ხელმძღვანელი დავით ლოგუა მანქანით საპროტესტო მსვლელობაში მონაწილეობისთვის დააჯარიმეს
„სამართლიანი არჩევნების“ რეგიონულ ხელმძღვანელს დავით ლოგუას, 13 დეკემბერს, ავტოკოლონით საპროტესტო მსვლელობაში მონაწილეობისთვის 1000 ლარის ოდენობით დააჯარიმეს. ამის შესახებ მანდ სოციალურ ქსელში დაწერა და ჯარიმის ქვითრის ფოტო გამოაქვეყნა.

ის რადიო „ათინათთან“ ამბობს, რომ ამჟამად, დაახლოებით, 6 ადამიანია დაჯარიმებული და როგორც პოლიციამ განუმარტა, 13 დეკემბერს მსვლელობაში მონაწილე 40-მდე მანქანა ეტაპობრივად დაჯარიმდება.

„საპატრულო პოლიციის ეკიპაჟმა მითხრა, რომ გზის მოძრაობა შევაფერხეთ. ახლა, დაახლოებით, 6 კაცია დაჯარიმებული იმათგან, ვინც მსვლელობაში მონაწილეობდა. იმ დღეს 40-მდე მანქანით ვიყავით. საპატრულოს თანამშრომელმა მითხრა, ეტაპობრივად ყველა დაჯარიმდებაო. აღმოჩნდა, რომ ჩემი ავტომობილი ძებნაზე იყო გადაცემული და 1000 ლარიანი ქვითარი ჩამაბარეს. მე არ მაქვს იმ რაოდენობის შემოსავალი, რომ დაკისრებული თანხა გადავიხადო, რამდენიმე ფონდს მივმართე დახმარებისთვის და მათგან პასუხს ველოდები, ან ერთობლივად მოვიფიქრებთ, რა გზას მივმართოთ იმ ადამიანებმა, ვინც წინააღმდეგობის მოძრაობაში ვართ ჩართული“, - ამბობს ლოგუა.

მისი თქმით, ფინანსური სანქციების გზით, სისტემა ცდილობს წინააღმდეგობის მოძრაობაში ჩართული ადამიანები შეაშინოს, თუმცა პროტესტის მონაწილეები მსგავსი ბარიერისთვის მზად არიან.

„ეს მიუთითებს, რომ მანკიერი პოლიტიკით ცდილობს სისტემა წინააღმდეგობის მოძრაობაში ჩართული ადამიანების შეშინებას. შეუძლებელია, ამ მოძრაობის წევრები ვიწრო მერკანტილური გზებით შეაშინო. ვაგრძელებთ მოძრაობას, დღეს უწყვეტი აქციის მე-20 დღეა და ის გაგრძელდება მანამ, სანამ რუსული რეჟიმი საქართველოში არ დასრულდება, რადგან ამ ყველაფრის ალტერნატივა ბევრად უარესია, ამიტომაც დღეს ბრძოლას აზრი აქვს“, - დასძენს იგი.

შეგახსენებთ, პროფესიული მოვალეობის შესრულების დროს, 13 დეკემბრის მსვლელობაში მონაწილეობისთვის დაჯარიმდა ფოთის ადგილობრივი ტელევიზიის "მეცხრე ტალღის" დირექტორი და საქართველოს რეგიონულ მაუწყებელთა ალიანსის თანათავმჯდომარე გერმანე სალიაც. მას საპატრულო ეკიპაჟი გაჰყვა, გაჩერება და მანქანიდან გადასვლა უბრძანა, რადგან მისი ავტომობილი ძებნაზე იყო გადაცემული.

Print Email
FaceBook Twitter
დაფინანსებული
წალენჯიხის მუნიციპალიტეტში ფონდი „სოხუმის“ ფორუმ-თეატრის წარმომადგენლების ჩვენება გაიმართა, რომელშიც მონაწილეობდნენ ახალგაზრდული ჯგუფი და ურთიერთდახმარების ქალთა ჯგუფი.
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
სტატია
დღის სიახლეები
05 / ივნისი 2025
სამეგრელოში გავრცელებული ტანსაცმლის კომპლექსების მიხედვით მეგრელები საშინაო ჩაცმულობისგან ასხვავებდნენ სადღესასწაულო და საგარეო ჩაცმულობას, რომელსაც უწოდებდნენ ,,სადიარო“/ ,,სასუმარო’’ მუკაქუნალს. იცნობენ ტანზე მოსარგები სამოსელის დანაწილების პრინციპებს: შიგნითა ,,დინახალენ ბარგი“ და ,,გარეთა ,,გალენ ბარგი“. დღევანდელ გადაცემაში აღწერილია როგორი იყო შიგნითა სამოსი ,საცვლების და გრძელი პერანგების ,,ოსარეშ“ ნიმუშები და როგორ იცვლებოდა მისი ფორმები დროთა განმავლობაში.
30 / მაისი 2025
აფხაზეთის ავტონომიური რესპუბლიკის მთავრობის ინფორმაციით, სამეგრელო-ზემო სვანეთის რეგიონში მთავრობის წარმომადგენლობის ახალ ხელმძღვანელად ირაკლი ბაღათურია დაინიშნა.
30 / მაისი 2025
2025 წლის პირველ კვარტალში (იანვარი, თებერვალი, მარტი) საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 262.4 ათასით განისაზღვრა. ამის შესახებ ინფორმაციას სტატისტიკის ეროვნული სამსახური აქვეყნებს.
დილის ჩართვა
ოდაბადეშ კინოხონი
ჩვენი თვითმმართველობა
არქივი
«« ივნისი 2025 »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 123456
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.