ამ წუთებში, ზუგდიდში, პროევროპული აქცია იმართება. პროტესტის 21- ე დღეს მოქალაქეები მერიის შენობის წინ შეიკრიბნენ.

აქციის როგანიზატორების განცხადებით, მათ სურთ ერთად გააგონონ „ევროპული ხმა“ საჯარო მოხელეებსა და მთელ ქალაქს. ერთ- ერთი მათგანის, დავით ლოგუას თქმით, მუნიციპალიტეტის მერია აქციისთვის შეარჩიეს იმიტომ, რომ ამ შენობაში არიან საჯარო მოხელეები და სწორედ მათ შეახსენებს, რომ საჯარო მოხელის შესახებ კანონში შედის ცვლილებები, რომლებიც არსორივად ცვლიან მის იდეას:

„ის ემსგავსება პარტიული მუშაკის შესახებ კანონს, სადაც, ადამიანების დასაქმება ხდება არა კონკურსის წესით, არამედ, ხელმღვანელი პირის ინტერესებიდან და სურვილებიდან გამომდინარე, ასევე, კანონში არის ცვლილება, რომელშიც არ არის ქართული ენის და მოქალაქეობითი ვალდებულების ნაწილი. გამომდინარე აქედან, ეს საჯარო მოხელეები, რომლებიც დღეს მშვიდად და კომფორტულად არიან, არც ისე შორეულ მომავალში, ასევე გახდებიან პოლიტიკური რეპრესიების მსხვერპლი. ამდენად დროა, მიხდვნენ, რასთან გვაქვს საქმე. გადმოვიდნენ ჩვენს მხარეს, დადგნენ სამშობლოს სამსახურში და შემოუერთდნენ იმ პროცესს, რაც დღეს საქართველოში მიმდინარეობს,ფაქტიურად ყველა დიდ ქალაქში“, - გვითხრა მან.

მათ მოიტანეს ბანერი, წარწერით: ვითხოვთ ხელახალ არჩევნებს.

ისევე, როგორ წინა დღეებში, აქციაზე მისულ სხვადასხვა თაობის ადამიანებს ხელში უჭირავთ საქართველოს და ევროკავშირის დროშები. ადგილზე მობილიზებულები არიან სამართალდამცველებიც.

ინფორმაციისთვის, მას შემდეგ, რაც 28 ნოემბერს, ირაკლი კობახიძემ განაცხადა, რომ 2028 წლის ბოლომდე საქართველო ევროკავშირთან მოლაპარაკებების გახსნის საკითხს დღის წესრიგში არ დააყენებს, თბილისსა და საქართველოს სხვადასხვა ქალაქში, მათ შორის, ზუგდიდში, დემონსტრაციები მიმდინარეობს. გუშინ, 17 დეკემბერს, პროტესტის მე-20 დღეს, მიუხედავად წვიმიანი ამინდისა, სამხარეო ადმინისტრაციის წინ, მოქალაქეები ისევ შეიკრიბნენ.

მერიის შენობის ფანჯრიდან
ამავე თემაზე:„გაიფიცე“, - ახალგაზრდების აქცია ზუგდიდის მერიასთან
ყოველდღე ქვეყნის სამსახურში - ზუგდიდში აქცია მიმდინარეობს (ფოტო)
სამეგრელო რუსული რეჟიმის წინააღმდეგ - ზუგდიდში საპროტესტო აქცია გაიმართა (ფოტო)
მასალის გამოყენების პირობები