აფხაზური ოპოზიციის „საპრეზიდენტო“ კანდიდატის, ადგურ არძინბას შტაბის აგიტატორზე თავდასხმის გამო, გაგრის ე.წ. ადმინისტრაციის ხელმძღვანელის, იური ხაგუშის გადადგომა მოითხოვეს. ინფორმაციას ტელეგრამის არხი RESPUBLICA ავრცელებდა.
ამავე ცნობით, მომიტინგეები „პრემიერ - მინისტრის“ მოვალეობის შემსრულებლის, ვალერი ბგანბას თხოვნით დაიშალნენ, მას შემდეგ, რაც მათ უთხრეს, რომ „ხაგუშის გადადგომის შესახებ გადაწყვეტილება კი ხვალ გადაიხედება“.

გავრცელებული ინფორმაციით, 19 იანვარს, იური ხაგუში შეიარაღებული პირების თანხლებით, თავს დაესხა გაგრაში მცხოვრებ მიხეილ გოლოვინს, ის სცემეს და „ოპოზიციის“ სასარგებლოდ კამპანიის შეწყვეტა მოსთხოვა. ასევე, მას და მის ოჯახს კი რუსული წარმომავლობის საფუძველზე დაემუქრნენ.

მოგვიანებით, გავრცელდა ცნობა, რომ ხაგუში გოლოვინის მშობლებზე ზეწოლას ცდილობდა, რომ მათ შემთხევა უარეყო. ამასთან, ტელეგრამ-არხებში გამოჩნდა მიხაილ გოლოვინის მამის, არტურ გოლოვინის ვიდეო, სადაც ის ამბობს, რომ მის შვილზე თავდასხმის ცნობები მცდარია.

თუმცა, მიხაილ გოლოვინმა მამამისის განცხადება უარყო.

"მანქანაში ჩამსვეს. მკითხეს, ვუჭერ თუ არა მხარს ადგურ არძინბას. მას შემდეგ, რაც თანხმობით ვუპასუხე, დამარტყეს“, - წერს ახალგაზრდა მამაკაცი.

მოგვიანებით, გაგრის ე.წ. ადმინისტრაციამ განცხადება გამოაქვეყნა, რომელშიც „სამართალდამცავ ორგანოებს“ საქმის გამოძიებისკენ მოუწოდა და ცნობების სიმცდარის დადგენის შემთხვევაში „ოპოზიციის კანდიდატების“ წინასაარჩევნო შტატებისგან ბოდიშის მოხდა მოითხოვა.

ცმობისთვის, ოკუპირებულ აფხაზეთში 15 თებერვალს დაგეგმილ არჩევნებში, 5 კანდიდატი იბრძოლებს „პრეზიდენტობისთვის“, მათ შორის აფხაზი ოპოზიციონერი, ადგურ არძინბა. აფხაზური მედიის თანახმად, მისი მთავარი კონკურენტია, დე ფაქტო რესპუბლიკის ყოფილი „ვიცე პრემიერი“, ბადრა გუნბა.