საქართველოში ინტერნეტზე წვდომა მოსახლეობის 43 პროცენტს აქვს. ინტერნეტის მომხმარებელი ადამიანების რაოდენობით, საქართველო 144 ქვეყანას შორის 80-ე ადგილს იკავებს. რეიტინგს მსოფლიოს ეკონომიკური ფორუმი (The World Economic Forum ) აქვეყნებს. საქართველო ინტერნეტის მომხმარებელი ადამიანების პროცენტული რაოდენობით, რეგიონის ქვეყნებს ჩამორჩება. საქართველოს უსწრებს, როგორც თურქეთი, ასევე სომხეთი – სომხეთში ინტერნეტს მოსახლეობის 46,3 პროცენტი იყენებს და ის რეიტინგში 71-ე ადგილს იკავებს. მოსახლეობის 46,3 პროცენტი იყენებს ინტერნეტს თურქეთშიც. აზერბაიჯანში ინტერნეტს მოსახლეობის 58 პროცენტი იყენებს, და ის 144 ქვეყანას შორის 55-ე ადგილზეა. რუსეთში ინტერნეტზე წვდომა მთლიანი მოსახლეობის 61 პროცენტს აქვს. რეიტინგის პირველ ადგილს ისლანდია იკავებს, სადაც ინტერნეტს მოსახლეობის 96 პროცენტი იყენებს. სამეულში შედიან ნორვეგია და შვედეთი. საქართველო რეგიონის ქვეყნების გარდა ჩამორჩება, ვიეტნამს, მოლდოვას და კოსტა-რიკას. რეიტინგის ბოლო საფეხურებზე მოხვდნენ მიანმა, ბურუნდი და გვინეა, სადაც ინტერნეტს მოსახლეობის მხოლოდ 1,3 პროცენტი იყენებს.