ჩრდილო ატლანტიკური ხელშეკრულების ორგანიზაცია (ნატო) ვაშინგტონის სამიტზე გამოეხმაურა რუსეთის ანექსიას სხვადასხვა სახელმწიფოებში, მათ შორის საქართველოში. შეხვედრაზე მიღებული დეკლარაციით, ნატომ განაცხადა, რომ რუსული ძალებისა და ოფიციალური პირების მიერ ადამიანის უფლებების დარღვევა, ომის დანაშაულები და საერთაშორისო სამართლის სხვა დარღვევები არ შეიძლება დაუსჯელი დარჩეს.

"ჩვენ რუსეთის მიერ უკრაინის ტერიტორიის, მათ შორის ყირიმის უკანონო ანექსიას, არასდროს ვაღიარებთ. ჩვენ ასევე მოვუწოდებთ რუსეთს, გაიყვანოს მთელი თავისი ძალები მოლდოვის რესპუბლიკიდან და საქართველოდან, რომლებიც იქ მათი თანხმობის გარეშეა განლაგებული", - აღნიშნულია დოკუმენტში.

გარდა ამისა, დეკლარაციაში ასევე ხაზგასმულია შავი ზღვის რეგიონის სტრატეგიული მნიშვნელობა და როგორც ორგანიზაცია განმარტავს, ის მხარს უჭერს რეგიონის სახელმწიფოების ევრო-ატლანტიკურ კურს. დოკუმენტის მიხედვით, ის რჩება შავი ზღვის პირა ქვეყნების უსაფრთხოებისა და სტაბილურობის ერთგული.


ფოტო: Evan Vucci/AP