კინოშოკის კინოფესტივალის ფოკუსში წელს საქართველო მოექცა. ფესტივალი 13 – 20 სექტემბერს ანაპაში ჩატარდა. ერთადერთი ქართული ფილმი, რომელიც საკონკურსო პროგრამაში მონაწილეობდა იყო ლევან თუთბერიძის „ცხრა მთას იქით.” ფილმში შესრულებული როლისთვის ჟიურიმ ეკა მოლოდინაშვილი საუკეთესო მსახიობ ქალად აღიარა. ამას გარდა, ფესტივალის ფარგლებში მოეწყო ქართული ფილმების რეტროსპექტივა. ნაჩვენები იყო შემდეგი ფილმები: „ყველა წავიდა” – რეჟისორი გიორგი ფარაჯანოვი „ნეტავ იქ თეატრი არის?!” – რეჟისორი ნანა ჯანელიძე „მანდარინები” – რეჟისორი ზაზა ურუშაძე „პატარძლები” – რეჟისორი თინათინ ყაჯრიშვილი „შემთხვევითი პაემნები” – რეჟისორი ლევან კოღუაშვილი ასევე სექციაში „Лента памяти” გაიხსენეს ცნობილი რეჟისორი რეზო ჩხეიძე და მისი ფილმი „ჩვენი ეზო”. საერთაშორისო კინოფესტივალი „კინოშოკი” ანაპაში 1992 წლიდან ტარდება და ამ პერიოდის განმავლობაში მან პოსტსაბჭოთა სივრცეში ერთ-ერთი ყველაზე მნიშვნელოვანი ფესტივალის სახელის მოპოვება შეძლო. ავტორი: საქართველოს კინემატოგრაფიის ეროვნული ცენტრი