რუსი მომღერლის ლეპსის კონცერტზე მომხდარი ინციდენტის შესახებ შინაგან საქმეთა სამინისტრო გამოძიებას აწარმოებს. საქმე ეხება კონცერტის მიმდინარეობისას ტელეკომპანია „მაესტროს“ გადამღები ჯგუფისთვის თავისუფლების შეზღუდვის ფაქტს. საგამოძიებო ორგანოში გამოძიება სისხლის სამართლის კოდექსის 163-ე მუხლით მიმდინარეობს, რაც თავისუფლების უკანონო აღკვეთას გულისხმობს. შეგახსენებთ, რომ „მაესტროს“ ჟურნალისტი ნინი მეტრეველი და მისი ოპერატორი ლეპსის კონცერტის ორგანიზატორების გადაწყვეტილებით, დაცვის თანამშრომლებს 1 საათის განმავლობაში ოთახში ჰყავდათ ჩაკეტილი. მომხდართან დაკავშირებით უკვე დაიკითხნენ „მაესტროს“ ოპერატორი და ჟურნალისტი. გვიან ღამით, დაცვის  ის თანამშრომელიც დაკითხეს, რომელიც გადამღებ ჯგუფს ოთახის დატოვების საშუალებას არ აძლევდა.