სამეფო კარის თამაშის მეხუთე სეზონის პირველმა ოთხმა სერიამ ინტერნეტ სივრცეში პრემიერამდე ერთი დღით ადრე 11 აპრილს გაჟონა. The Wall Street Journal – ის ინფორმაციით ტელეარხი HBO მომხდარი ფაქტის გამოძიებას გეგმავს. ტელეარხის წარმომადგენელის თქმით სპეციალური ჩვენებისას ერთ-ერთმა ნდობით აღჭურვილმა პირმა უკანონოდ გაავრცელა ეპიზოდები. ნდობის ჯგუფში იმყოფებოდა რამდენიმე ჟურნალისტიც, ჯერჯერობით დაუზუსტებელია ვის ბრალდება არალეგალური ქმედება. სერიები ტორენტიდან ხუთ მილიონზე მეტჯერ იქნა ჩამოტვირთული. სერიალი 2014 წლის ყველაზე მაღალრეიტინგულად დასახელდა საკაბელო ტელევიზიის ისტორიაში. რაც შეეხება მომდევნო ეპიზოდის გამოსვლას, მეხუთე სერია სახელწოდებით “Kill the Boy” 10 მაისს გამოვა. გთავაზობთ სერიების გამოსვლის გრაფიკს. სერია 5: Kill the Boy – 10 მაისი სერია 6: Unbowed, Unbent, Unbroken – 17 მაისი სერია 7: The Gift – 31 მაისი სერია 8 – 7 ივნისი სერია 9 – 14 ივნისი სერია 10 – 21 ივნისი სამეფო კარის თამაშის მეექვსე სეზონის გამოსვლა 2016 წლის აპრილის თვეშია დაგეგმილი.