ცენტრალური სადაზვერვო სამმართველოს ყოფილმა თანამშრომელმა, 78 წლის ნორმან ჰოჯესმა განაცხადა, რომ აშშ-ის ხელისუფლების ბრძანებით, მან მერლინ მონროს სასიკვდილო ნემსი გაუკეთა. აღნიშნულ ინფორმაციას სააგენტო რეგნუმი worldnewsdailyreport.com - ზე დაყრდნობით ავრცელებს გარდა ამისა, ყოფილმა აგენტმა აღიარა რომ 1959-1972 წლებში მან აშშ-ის ხელისუფლების დაკვეთით 37 მკვლელობა ჩაიდინა. გარდაცვლილთა შორის იყვნენ პოლიტიკური აქტივისტები, ჟურნალისტები, პროფკავშირების ლიდერები, მეცნიერები და მხატვრები. ჰოჯერსის განმარტებით, ადამიანთა ჯგუფი, რომელსაც ის ხელმძღვანელობდა, მკვლელობებს ისე აწყობდა, რომ ისინი უბედურ შემთხვევას დამსგავსებოდა. ყოფილი აგენტის განცხადებით, მონრო მის მიერ მოკლულ ადამიანთა შორის ერთადერთი ქალი იყო, თუმცა ის ჩადენილს არ ნანობს, რადგან ნორმან ჰოჯესის თქმით, კინოვარსკვლავს რომანი ჰქონდა, როგორც პრეზიდენტ კენედისთან, ასევე - ფიდელ კასტროსთან და მას შეეძლო საიდუმლო ინფორმაციის მიწოდება კომუნისტებისთვის, რაც, მისი თქმით, დაუშვებელი იყო. გამოცემა აზუსტებს, რომ ამ დროისათვის „ცეერუს“ თანამშრომელთაგან ცოცხლებში არავინ დარჩა, ვინც მის მონათხრობს დაადასტურებდა, მათ შორის, არც ჰოჯესის უფროსი — მაიორი ჰეივორტი, რომელიც გულის შეტევით 2011 წელს გარდაიცვალა. მიუხედავად ამისა, ხანდაზმული მამაკაცის აღიარებამ უკვე მიიპყრო გამოძიების ფედერალური ბიუროს ყურადღება. მომაკვდავი ხოჯესს ხელბორკილები ადევს, მიმდინარეობს გამოძიება და მის მიერ მიწოდებული ფაქტების გადამოწმება.