ზუგდიდში, დემოკრატიული ჩართულობის ცენტრში  "ქართული ერთობის დარბაზის"  გაზეთის -„ქართული“ პრეზენტაცია გაიმართა.  მოქალაქეებს გამოცემა ორგანიზაციის ერთ-ერთმა დამფუძნებელმა და პროფესორმა რამაზ ლომინაძემ წარუდგინა.  მისი თქმით, ორგანიზაციის მთავარი მიზანია, გაემიჯნოს ყოველგვარ დაპირისპირებას, მოხდეს სხვადასხვა ძალების კონსოლიდირება, რათა მოქალაქეებმა უკეთეს საქართველოში იცხოვრონ. "ჩვენი ორგანიზაცია პოლიტიკური პარტიებისთვისაც ღიაა, რადგან  ვამჩნევთ, რომ პარტიულმა დანაწევრებამ  საქართველოს სიკეთე არ მოუტანა.  პარტიებში  ბევრი ღირსეული და პატიოსანი ადამიანია, რომელიც თავის გამოვლენას ვერ ახერხებს თავისი პარტიული ინტერესების გამო.  ჩვენ ასეთ ადამიანებს ვეუბნებით მოვიდნენ ჩვენთან და ერთად ვაკეთოთ ის, რაც საქართველოს სჭირდება”, – თქვა რამაზ ლომინაძე.