მსახიობმა ანტონიო ბანდერასმა თავისი ახალი მეგობარი ქალი ნიკოლ კემპელი კანის კინოფესტივალის წითელ ხალიჩაზე პირველად გამოიყვანა. 54 წლის მაჩო 34 წლის საყვარელ ქალთნ ერთად საზოგადოებაში მანამდეც გამოდიოდა. ისინი ერთად ჩნდებოდნენ სხვადასხვა წვეულებებსა და საღამოებზე. თუმცა კანში ფილმ „დაქირავებულის“ პრემიერის წინ წითელ ხალიჩაზე ნიკოლი ხელჩაკიდებული პირველად გამოჩნდა თავის სიმპატიურ მამაკაცთან ერთად. ნიკოლმა უმშვენიერესი წითელი კაბა შეარჩია. საუცხოო სამოსმა ხაზი გაუსვა მის ულამაზეს ფეხებსა და სხეულის სავსე ფორმებს. შეგახსენებთ, რომ ბანდერასი ცოლს მელანი გრიფიტს შარშან 18-წლიანი თანაცხოვრების შემდეგ გაშორდა. ანტონიო თვდაპირველად მრავალრიცხოვან თაყვანისმცემლებთან ურთიერთობით ტკბებოდა, მაგრამ მსახიობს ასეთი ყოფა მალე მოსწყინდა და შეხვედრა დაიწყო ნიკოლ კემპელთან, რომელიც მასზე 20 წლით უმცროსია. თავიდან ანტონიო ამ ურთეირთობას მალავდა, მაგრამ შემდეგ გადაწყვიტა, რომ საიდუმლოს დიდხანს ვერ შეინახავდა და საზოგადოებაში ნკოლთან ერთად გამოვიდა. აღსანიშნავია, რომ ბანდერასმა ცოტა ხნის წინ ერთ-ერთ ინტერვიუში განაცხადა, რომ იმის მიუხედავად, რომ მას ახალი რომანი აქვს ახალგაზრდა ჰოლანდიელ ლამაზმანთან, ყოფილი ცოლის მიმართ გრძნობა არასდროს გაუქრება.