2016 წლის შემოდგომაზე საპარლამენტო არჩევნები დღეს მოქმედი შერეული სისტემით ჩატარდება, - განაცხადა საპარლამენტო უმრავლესობის სხდომის დასრულების შემდეგ გამართულ ბრიფინგზე საქართველოს პრემიერ-მინისტრმა ირაკლი ღარიბაშვილმა.
თუმცა, მისი განმარტებით, მაჟორიტარული ოლქების ამომრჩეველთა რაოდენობას შორის დღეს არსებული დისბალანსი შემცირდება და 50-პროცენტიანი ბარიერი დაწესდება.
მოქმედი კანონმდებლობით კი მაჟორიტარულ არჩევნებზე 30-პროცენტიანი ბარიერია დაწესებული.
„საარჩევნო სისტემის რეფორმისთვის საკონსტიტუციო და საკანონმდებლო გადაწყვეტილებების მიღება მიმდინარე წლის ბოლომდე იგეგმება. 2016 წლის შემოდგომაზე საპალამენტო არჩევნების ჩატარებას დღეს მოქმედი შერეული სისტემით ვაპირებთ, რომელშიც საკონსტიტუციო სასამართლოს გადაწყვეტილების შესაბამისად, მაჟორიტარული ოლქების ამომრჩეველთა რაოდენობას შორის დღეს არსებული დისბალანსი მნიშვნელოვნად იქნება შემცირებული. ასევე დაწესდება 50-პროცენტიანი ბარიერი. ჩვენი გეგმა 2016 წლის შემდგომი საპარლამენტო არჩევნებისთვის პროპორციულ საარჩევნო სისტემაზე გადასვლას ითვალისწინებს. ეს არის უმრავლესობაში შეჯერებული პოზიცია“, -- განაცხადა ირაკლი ღარიბაშვილმა.
მასალის გამოყენების პირობები