პოლიტიკა
პრემიერ-მინისტრის ინიციატივით საჯარო მოხელეთა მომზადების ცენტრი იქმნება
საქართველოს პრემიერ-მინისტრ ირაკლი ღარიბაშვილის ინიციატივით, საჯარო მოხელეთა მომზადების ცენტრი იქმნება.
ცენტრი, რომელიც საჯარო ადმინისტრაციის სფეროში კადრების და რესურსების მომზადებას ისახავს მიზნად, მუშაობას საჯარო სამსახურის შესახებ ახალი კანონის ამოქმედებისთანავე დაიწყებს. ის იქნება საჯარო სამსახურის რეფორმის ერთ-ერთი ინსტრუმენტი, რათა შეიქმნას კარგად მომზადებული და შესაბამისი უნარ-ჩვევების მქონე კადრების დიდი ქსელი.
„ეს იქნება საზოგადოება, ის ჯგუფი, რომელიც შემდგომში შეძლებს სწორი, გამჭვირვალე მმართველობის, საზოგადოებრივი პოლიტიკის შექმნასაც და გატარებასაც", - განაცხადა მთავრობის დღევანდელ სხდომაზე განათლების საერთაშორისო ცენტრის ხელმძღვანელმა ნინო ჭელიძემ, რომელმაც ახალი ცენტრის ჩამოყალიბების გეგმაზე, მთავრობის ადმინისტრაციის უფროსის მოადგილესთან ერთად იმუშავა.
საჯარო მოხელეთა მომზადების ცენტრი საწყის ეტაპზე წელიწადში 12-14 ათას საჯარო მოხელეს გადაამზადებს. ტრენინგები იქნება როგორც საბაზისო, ისე - თემატური. ცენტრი ასევე გახსნის ფორუმს საჯარო პოლიტიკის განხილვისა და საერთაშორისო დებატებისთვის. ცენტრი აქტიურად ითანამშრომლებს უკვე არსებულ უწყებრივ სკოლებსა და აკადემიებთან, ასევე, გაითვალისწინებს გერმანიის საჯარო ადმინისტრირების ფედერალური აკადემიისა და პოლონეთის საჯარო ადმინისტრაციის ეროვნული სკოლის გამოცდილებას.
„იმ მომენტისთვის, როდესაც საჯარო სამსახურის შესახებ ახალი კანონი ამოქმედდება, ჩვენ ცენტრი გამართული გვექნება. აუცილებელია, საჯარო მოხელეთა გადამზადება იყოს სისტემატური, მათი კვალიფიკაციის ამაღლების მიზნით და ეს, რა თქმა უნდა, აისახება ჩვენს მუშაობაზეც", - განაცხადა პრემიერ-მინისტრმა და ნინო ჭელიძეს გაწეული სამუშაოსთვის მადლობა გადაუხადა.
ირაკლი ღარიბაშვილმა განათლების საერთაშორისო ცენტრის წარმატებულ საქმიანობაზეც ისაუბრა და აღნიშნა, რომ წელს, მსოფლიოს წამყვან უნივერსიტეტებში, სამაგისტრო და სადოქტორო პროგრამებზე სწავლის გასაგრძელებლად, 115 ახალგაზრდა გაიგზავნება; გასულ წელს გაგზავნილი 77 სტუდენტიდან კი 26 - წელს, ხოლო დარჩენილი ნაწილი მომავალ წელს დაბრუნდება.
„ეს პროცესი გაგრძელდება. ვფიქრობთ, 4-5 წელიწადში მივიღებთ კარგად მომზადებულ 500-600 ახალგაზრდას, რაც ძალიან მნიშვნელოვანი შენაძენია", - აღნიშნა პრემიერ-მინისტრმა.
დაფინანსებული
ქეა კავკასიას პროექტი ,,ფერმერთა საველე და ბიზნეს სკოლა“(FFBS) მიზნად ისახავდა მცირე და საშუალო მეწარმეების შემოსავლის, მოგებისა და მედეგობის გაზრდას, გენდერულად ტრანსფორმაციული და კლიმატ-გონივრული სოფლის მეურნეობის მხარდაჭერით.
ზუგდიდის მუნიციპალიტეტში სხვადასხვა ინფრასტრუქტურული პროექტის განხორციელება აქტიურად მიმდინარეობს.
ზუგდიდის მუნიციპალიტეტში საბავშვო ბაღების მშენებლობა-რეაბილიტაცია აქტიურად მიმდინარეობს.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მთავარი საინფორმაციო გამოშვება
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები