ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.

ამასთან, მოწვეულმა ექიმებმა, გინეკოლოგ-პროდუქტოლოგმა დენიზ კულაქსიზმა და მეან-გინეკოლოგმა ელენე ჭანიამ ადგილობრივ პაციენტებს კონსულტაცია გაუწიეს. თურქეთიდან, “მედიქალ ფარქიდან” მოწვეულმა სპეციალისტმა, დენიზ კულაქსიზმა აღნიშნა, რომ “ჯან-მედის” ინფრასტრუქტურა, სერვისის სტანდარტი და პაციენტზე ორიენტირებული მიდგომა სრულად შეესაბამება თანამედროვე სამედიცინო პრაქტიკის მოთხოვნებს.

მისი თქმით, დიაგნოსტიკურ ცენტრში იგეგმება პერიოდული ვიზიტები, რათა ადგილზე შეფასდეს პაციენტების მდგომარეობა და ჩატარდება მკურნალობის მიმდინარეობის მონიტორინგი.

“მოხარული ვარ, რომ შესაძლებლობა მქონდა, მემუშავა ამგვარ გარემოში. სასიამოვნო იყო თანამშრომლობა ექიმ ელენესთან, რომლის პროფესიონალიზმი მაღალ შეფასებას იმსახურებს.

ვიზიტის დროს, შევაფასეთ პაციენტები, რომლებსაც აღენიშნებოდათ ინფერტილობა და ასევე, პაციენტები, რომლებსაც სჭირდებოდათ გინეკოლოგიური ონკოლოგიური ჩარევა. გვყავდა პაციენტები, რომლებსაც ჰქონდათ ბენიგნური გინეკოლოგიური პათოლოგიები, მათ შორის მენსტრუალური დარღვევები, მენჯის ქვედა ტკივილები და სხვა ტიპის ქირურგიულად ან კონსერვატიულად მართვადი პრობლემები. მთავარი აქცენტი ამ კატეგორიის პაციენტებზე გაკეთდა, რის შედეგადაც ჩატარდა შესაბამისი კლინიკური და ინსტრუმენტალური დიაგნოსტიკა.

გმადლობთ თანამშრომლობისთვის და კეთილგანწყობისთვის”, - განმარტავს კულაქსიზი.

მეან-გინეკოლოგი და გინეკოლოგ-ენდოკრინოლოგი ელენე ჭანია ამბობს, რომ ერთობლივი კონსულტაციის დროს გამოიკვეთა საინტერესო ქეისები, რაც ეხებოდა სხვადასხვა ტიპის გინეკოლოგიურ დაავადებებს, მათ შორის უშვილობას. ის მოუწოდებს პაციენტებს, ეფექტიანი დიაგნოსტიკისთვის მიმართონ “ჯან-მედის”.

ცენტრის დირექტორი ლელა ქაჯაია კი აღნიშნავს, რომ სამომავლოდ კლინიკაში ბევრი სიახლე იგეგმება, რაც ხელს შეუწყობს სამეგრელო-ზემო სვანეთის მოსახლეობისთვის ხარისხიანი, ხელმისაწვდომი და უსაფრთხო სამედიცინო სერვისების შეთავაზებას.

“ჯან-მედის” მისამართია - ქ.ზუგდიდი, გამარჯვების ქ. #32.