ახალი ამბები
ანა წითლიძე ხელისუფლებას დეცენტრალიზაციის პროცესის დაჩქარებისკენ მოუწოდებს
მიუხედავად "ქართული ოცნების" არაერთი წინასაარჩევნო დაპირებისა და ფასადურად გატარებული რეფორმებისა ადგილობრივ თვითმმართველობაში რეალური დეცენტრალიზაციის პროცესი დღემდე არ დაწყებულა, - ამის შესახებ დღეს გამართულ ბრიფინზე პარლამენტის წევრმა ერთიანი ნაციონალური მოძრაობიდან, ანა წითლიძემ ისაუბრა. მისი თქმით, დეცენტრალიზაციის განხორციელება საქართველოს ევროკავშირში გაწევრიანების ერთ-ერთი მთავარი წინაპირობაა, თუმცა ცენტრალური ხელისუფლება ამ მიმართულებით ქმედით ნაბიჯებს არ დგამს.

"ეს განსაკუთრებით თვალსაჩინო გახდა ოპოზიციური საკრებულოების შემდეგ, რადგან დეცენტრალიზაციის პროცესი გულისხმობს ადგილობრივი არჩეული საკრებულოებისთვის და მერებისთვის ისეთი უფლებამოსილების გადაცემას, როგორიც არის ადგილობრივი ქონება, ადგილობრივი სასოფლო-სამეურნეო მიწები, საძოვრები, ბუნებრივი წიაღისეული. დღეს ყველა ეს ჩამოთვლილი უფლებამოსილება არის ცენტრალური ხელისუფლების კომპეტენცია, რომელიც დამატებით ბიუროკრატიას ქმნის ადგილებზე, ადგილობრივი მაცხოვრებლისთვის. მაგალითად თუ ზუგდიდელს, წალენჯიხელს, სენაკელს დასჭირდება თავისი სასოფლო-სამეურნეო მიწის რეგისტრაცია, მან ამისთვის უნდა მიმართოს ცენტრალურ ხელისუფლებას და ადგილობრივი ხელისუფლება არ არის უფლებამოსილი. რეალურად კი, ევროპული ქარტიით და ადგილობრივი თვითმმართველობის კოდექსით, ყველა ეს ჩამოთვლილი კომპეტენცია არის სწორედ ადგილობრივი თვითმმართველობის უფლებამოსილება", - ამბობს პარლამენტარი.

გარდა ამისა, ის მიიჩნევს, რომ პრობლემად რჩება ის ადგილობრივი შემოსავლები, რომელთა ძირითად ნაწილს ხელისუფლება ანაწილებს. 

"მიუხედავად იმისა, რომ "ქართული ოცნების" არაერთი წინა საარჩევნო დაპირება იყო ადგილობრივი შემოსავლების სრულად დატოვება ადგილობრივ ბიუჯეტში, რომელიც ადგილობრივ ბიუჯეტს მისცემდა შესაძლებლობას ყოფილიყო თვითკმარი. დამატებითი შემოსავლების მხოლოდ 19% რჩება ადგილობრივ ბიუჯეტში, დანარჩენს ანაწილებს ცენტრალური ხელისუფლება, რაც ასევე დამატებით პრობლემას ქმნის ადგილობრივი თვითმმართველობებისათვის. აღსანიშნავია ისიც, რომ ქონების გადაცემის პროცესზე ვალდებულება საქართველოს ფინანსთა, იუსტიციის და ეკონომიკის სამინისტრომ აიღეს ჯერ კიდევ 2017 წელს, საქართველოს ადგილობრივი თვითმმართველობის კოდექსის 162-ე მუხლი პირდაპირ ავალდებულებდა მათ, რომ 2017 წლის 1 იანვრიდან უნდა დაეწყოთ ქონების გადაცემის პროცესი ადგილობრივი თვითმმართველობებითვის, თუმცა ეს პროცესი არ არის დღემდე დაწყებული", - თქვა ანა წითლიძემ.

ის მოუწოდებს აღნიშნულ სამინისტროებს დაუყოვნებლივ დაიწყონ ქონების გადაცემის პროცესი ადგილობრივ თვითმმართველობებში, რაც მისივე თქმით, ხელს შეუწყობს არჩეულ საკრებულოებსა და მერებს იყვნენ უფრო ქმედითები. ასევე, პარლამენტის წევრი საქართველოს პარლამენტის რეგიონული და თვითმმართველობის კომიტეტის ჩართულობის აუცილებლობაზე საუბრობს და მოითხოვს, რომ მის მიერ დასახელებულ საკითხებზე განხორციელდეს საპარლამენტო ზედამხედველობა.
Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
04 / აპრილი 2025
აფხაზეთის თვითგამოცხადებული რესპუბლიკის ახალმა ე.წ. პრეზიდენტმა ბადრა გუნბამ ხელი მოაწერა განკარგულებას ვლადიმერ დელბას „პრემიერ-მინისტრად“ დანიშვნის შესახებ.
04 / აპრილი 2025
გარემოსდაცვითი ზედამხედველობის დეპარტამენტის ინფორმაციით, 2025 წლის მარტში სამეგრელო-ზემო სვანეთში ხე-ტყის უკანონო მოპოვება-ტრანსპორტირების 32 შემთხვევა აღირიცხა.
03 / აპრილი 2025
სამეგრელოში სანეფო სუფრისთვის, ქორწილის წინა დღეს ,,სარიტუალო პურს და ჭვიშტარს“ აცხობდნენ,რომლებიც სპეციალური დანიშნულების იყო. რიტუალური პურების დაცხობა ყველას როდი შეეძლო. მთელს ,,სამოხიოში“ რამდენიმე ქალი თუ იქნებოდა ამ საქმეში დახელოვნებული, რის გამოც მათ დიდი პატივით ეპყრობოდნენ. დღევანდელ გადაცემაში აღწერილია როგორ მზადდებოდა, რამდენი სახის პური ცხვებოდა და რა იყო ამ ტრადიციის მთავარი აზრი.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2025 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.