ახალი ამბები
ქართველების ჯგუფის დე ფაქტო რესპუბლიკაში ჩასვლას აფხაზურ ტელეგრამ არხებზე აკრიტიკებენ

სოციალური ქსელის აფხაზურ სეგმენტში ეხმაურებიან ტელეგრამ - არხების მიერ გავრცელებულ ვიდეოს, რომელზეც ასახულია საქართველოს მოქალაქეთა ჯგუფის დე ფაქტო რესპუბლიკაში მოგზაურობა. ვიდეოდან ჩანს, რომ „ქართველი მოგზაურები“ აფხაზეთში სავარაუდოდ, ადგილობრივების მიწვევით იმყოფებოდნენ, რომლებმაც უმასპინძლეს კიდეც.


ენგურის ხიდზე გადაღებულ ვიდეოში ისინი ახსენებენ „ხალხის ჩარევას“ და „ვიზას - ქაღალდის ნაგლეჯს“. როგორც ირკვევა, ჯგუფმა სამი დღის განმავლობაში მოინახულა სოხუმი, გაგრა, რიწის ტბა და ბზიფის ხეობა, მათი მოგზაურობის ამსახველი რეპორტაჟი მთავრდება სიტყვებით „ჩვენ გავერთიანდებით“, წერს „ეხო კავკაზა“.

გამოცემის თანახმად, ახალი ამბის გამოქვეყნების მომენტისთვის, Youtube - ზე წვდომა შეზღუდულია მოგზაურობის ამსახველ ვიდეოზე. მისმა ავტორებმა კი კომენტარზე უარი განაცხადეს. საქართველოს მოქალაქეების სტუმრობაზე წერენ როგორც ე.წ. ხელისუფლების მომხრე, ასევე ოპოზიციური აფხაზური რესურსები.

"ქართული მხარე, დიდი ალბათობით, ამ ვიდეოს გამოიყენებს აფხაზეთის წინააღმდეგ საინფორმაციო ომის ფარგლებში, რათა გააგრძელოს თავისი ტერიტორიული პრეტენზიები. მომხდარში, რა თქმა უნდა, კომპეტენტური ორგანოები უნდა გაერკვნენ. მოკვლევის შედეგები, „ტურისტების“ ვინაობა და ამ აქციასთან დაკავშირებული ყველას ვინაობა უნდა გასაჯაროვდეს“, - ნათქვამია „АМРА- life-ის" ტელეგრამ-არხზე.

„და სად არის ჩვენი სახელოვანი სახელმწიფო უსაფრთხოების სამსახური?! სად არის საგარეო საქმეთა სამინისტრო? სად არის ჩვენი მინისტრი ინალ არძინბა და რატომ არ აკეთებს კომენტარს ამ აქციაზე?! ბატონო პრეზიდენტო, სად ხართ?! აქ ასეთი ამბები გვაქვს, სანამ თქვენ რუსეთში თქვენს საკითხებს აგვარებთ!!!” – წერს ტელეგრამ - არხის „AIASHARA“-ს ავტორი.

სოხუმში საკითხს ჯერ არ გამოხმაურებიან.

ცნობისთვის, საქართველოს მოქალაქეებს, რომლებიც არ ცხოვრობენ გალის რაიონში, ოკუპირებულ აფხაზეთში სპეციალური ნებართვის გარეშე ჩასვლა არ შეუძლიათ. სამეგრელო - აფხაზეთის ადმინისტრაციული საზღვრის გადასაკვეთად, გალის რაიონის მცხოვრებლებს, დროებითი დოკუმენტი, ე.წ. "ფორმა №9"- უნდა ჰქონდეთ ან "ბინადრობის მოწმობა" რომლის მისაღებად, როგორც სოხუმში აცხადებენ, „ადამიანი, სულ მცირე, 10 წელი უნდა ცხოვრობდეს აფხაზეთის ტერიტორიაზე, ხოლო პირმა, რომელსაც აფხაზეთის მოქალაქეობაზე აქვს პრეტენზია, საქართველოს მოქალაქეობაზე უნდა განაცხადოს უარი".

2023 წლის ბოლოს გავრცელდა ინფორმაცია, რომ 22 დეკემბერს აფხაზეთის დე ფაქტო რესპუბლიკის ეკონომიკის მინისტრი ქრისტინა ოზგანი ზუგდიდში იმყოფებოდა, სადაც ენგურჰესის ხელმძღვანელობას შეხვდა. ამბავმა ასევე გამოიწვია აფხაზური საზოგადოების ნაწილის უკმაყოფილება. რამდენიმე დღეში, აფხაზმა "მინისტრმა" თავადვე დაადასტურა ინფორმაცია ქართულ მხარესთან შეხვედრის შესახებ. ჟურნალისტებმა საქართველოს საგარეო საქმეთა მინისტრს ილია დარჩიაშვილს ქართულ-აფხაზური კონსულტაციების შესახებ კომენტარი სთხოვეს. მას შეხვედრის ფაქტი არ უარუყვია, თუმცა დეტალებზე არ უსაუბრია.


 

Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
03 / აპრილი 2025
სამეგრელოში სანეფო სუფრისთვის, ქორწილის წინა დღეს ,,სარიტუალო პურს და ჭვიშტარს“ აცხობდნენ,რომლებიც სპეციალური დანიშნულების იყო. რიტუალური პურების დაცხობა ყველას როდი შეეძლო. მთელს ,,სამოხიოში“ რამდენიმე ქალი თუ იქნებოდა ამ საქმეში დახელოვნებული, რის გამოც მათ დიდი პატივით ეპყრობოდნენ. დღევანდელ გადაცემაში აღწერილია როგორ მზადდებოდა, რამდენი სახის პური ცხვებოდა და რა იყო ამ ტრადიციის მთავარი აზრი.
03 / აპრილი 2025
რუსეთიდან სოხუმის აეროპორტში რეგულარული საჰაერო მიმოსვლა 1 მაისს განახლდება. ამის შესახებ TASS-ს რუსეთის პრეზიდენტის ადმინისტრაციის უფროსის მოადგილემ სერგეი კირიენკომ განუცხადა.
03 / აპრილი 2025
ოკუპირებული აფხაზეთის ახლად არჩეული ე.წ. პრეზიდენტის „ინაუგურაციას“, რომელიც 2 აპრილს გაიმართა, რუსეთის პრეზიდენტის ადმინისტრაციის უფროსის პირველი მოადგილემ სერგეი კირიენკო ესწრებოდა.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2025 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.