ახალი ამბები
აფხაზეთში 86 ათასი აბონენტიდან, 22 ათასია გამრიცხველიანებული, - „ჩერნომორენერგო“
კომპანია „ჩერნომორენერგოს“ წარმომადგენელმა, საიდ ბლაბბამ განაცხადა, რომ „2024 წლის ბოლომდე აფხაზეთში 30 ათასი მრიცხველი დამონტაჟდება“. ამის შესახებ, მან რუსულ პროპაგანდისტულ გამოცემა „სპუტნიკს“ უთხრა.

მისივე ინფორმაციით, ამ ეტაპზე დე ფაქტო რესპუბლიკაში „ჩერნომორენერგოს“  86 ათასი აბონენტიდან, 22 ათასია გამრიცხველიანებული.

„იქ, სადაც უკვე დამონტაჟებულია მრიცხველები, მოხმარებული ელექტროენერგიის საფასურის გადახდის მაჩვენებელი 72 -73% - მდე გაიზარდა. ყველა აბონენტის გამრიცხველიანების შემთხვევაში კი ის 80% - ს მიაღწევს“, - დარწმუნებულია აფხაზი ენერგეტიკოსი. ამასთან, ბლაბბა დასძენს, რომ აბონენტები, რომლებსაც ჯერ არ დაუყენებიათ მრიცხველები და არ დაუფარავთ 2023 წლის დავალიანება, 2024 წელს ელექტროენერგიის საფასურს ძველი ტარიფით გადაიხდიან.

უკვე წლებია, აფხაზეთში ზამთრის პერიოდში ენერგოდეფიციტის აღმოფხვრას ვერ ახერხებენ. ადგილობრივი ენერგოკომპანია "ჩერნომორენერგო" ამის მიზეზად ელექტროქსელებზე გაზრდილ დატვირთვას და ინფრასტრუქტურის ცვეთას, გამრიცხველიანების არარსებობას, ელექტროენერგიაზე დაბალ ტარიფებს, მოსახლეობის ნაწილის მიერ ელექტროენერგიის საფასურის გადაუხდელობას და კრიპტოვალუტის მზარდ, უკანონო მაინინგს ასახელებს.

აფხაზეთის დე ფაქტო რესპუბლიკის ეკონომიკის მინისტრის, ქრისტინა ოზგანის განცხადებით, რუსეთიდან ელექტროენერგიის ნაკადის მისაღებად სოხუმმა 835 მილიონი რუბლი გადაიხადა. მისივე თქმით, "75 მილიონის გამოკლებით, თანხა საბიუჯეტო სახსრებიდან გამოიყო".  მისივე თქმით, 2020 წლიდან 2023 წლამდე რუსეთის ფედერაციიდან ელექტროენერგიის მიწოდება ხდებოდა ჰუმანიტარულ საფუძველზე, წელს კი "აფხაზეთის მთავრობამ თავად უნდა გადაიხადოს რუსული ელექტროენერგიის საფასური".

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მაშინ განაცხადა, რომ "აფხაზეთი ელექტროენერგიას რუსეთიდან იღებს და ისინი თვითონვე არიან პასუხისმგებელი, გადაიხადონ მისი საფასური".

უფრო ადრე, ენგურჰესის ტექნიკურმა დირექტორმა გია ხუბუამ რადიო "ათინათს" უთხრა, რომ  ზამთრის თვეებში ენგურჰესის მიერ გამომუშავებული ელექტროენერგია აფხაზეთსა და დანარჩენ საქართველოზე 60/40-ზე პრინციპით განაწილდება.

მანამდე აფხაზურმა ტელეგრამ არხებმა გაავრცელეს ინფორმაცია, რომ გასული წლის 22 დეკემბერს ქრისტინა ოზგანი ზუგდიდში იმყოფებოდა, სადაც ენგურჰესის ხელმძღვანელობას შეხვდა. ამავე ცნობით, შეხვედრაზე "აფხაზეთისთვის ელექტროენერგიის მიწოდების საკითხი განიხილებოდა". რამდენიმე დღეში, აფხაზმა "მინისტრმა" თავადვე დაადასტურა ინფორმაცია ქართულ მხარესთან შეხვედრის შესახებ.

"ენგურჰესის კაშხალზე ნამდვილად გაიმართა სამუშაო შეხვედრა, რომელზეც 2024 წელს ელექტროენერგიის გამომუშავების საკითხები განიხილებოდა. ჩვენ ასევე დავაზუსტეთ ჩვენი პოზიცია ვარდნილ ჰესების აღდგენის თაობაზე - აფხაზურმა მხარემ მათი აღდგენის გეგმები წარადგინა", - განუცხადა მან მედიას.

ჟურნალისტებმა საქართველოს საგარეო საქმეთა მინისტრს ილია დარჩიაშვილს ქართულ-აფხაზური კონსულტაციების შესახებ კომენტარი სთხოვეს. მას შეხვედრის ფაქტი არ უარუყვია, თუმცა, სხვა დეტალებზე არ უსაუბრია.

ზამთრის პერიოდში ენგურჰესი ძირითადად აფხაზური მხარის საჭიროებებს აკმაყოფილებდა, თუმცა მხარეებს შორის არსებული შეთანხმება გამომუშავებული რესურსის 60/40-ზე პარიტეტით გადანაწილებას გულისხმობს, სადაც 60% ქართული მხარის განკარგულებაში უნდა დარჩეს, ხოლო 40% აფხაზური მხარის.



Print Email
FaceBook Twitter
დაფინანსებული
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
სტატია
დღის სიახლეები
17 / ივლისი 2025
ნოდი", ანუ "ნადი", არ იყო მხოლოდ შრომითი ურთიერთდახმარების გრაფიკი ან ტრადიცია. ეს, ძირითადად, იყო კოლექტიური შრომის ერთ-ერთი გზა, როცა ადამიანები ერთობლივად მუშაობდნენ, ხშირად სანაცვლოდ, ერთად. პატარა ოჯახში შრომის სქესობრივი დანაწილება ვერ ხდებოდა ყოველთვის, მაგრამ კოლექტიურ შრომაში ეს პროცესი მაინც იცვლებოდა.დღევანდელ გადაცემაში საუბარია თუ როგორ მიმდინარეობდა "ნოდის" ტრადიცია, როგორ ნაწილდებოდა დღის განმავლობაში შრომის ფუნქციები და როგორ უნდოდა თითოეულ წევრს, რომ ამ პროცესში საკუთარი როლი ეპოვა.
11 / ივლისი 2025
ტრადიციულ ქართულ ჩაცმულობაში თავსაბურავს ყოველთვის დიდი მნიშვნელობა ეძლეოდა, ბუნებრივია ასე იყო სამეგრელოშიც. რაც უნდა ღარიბი ყოფილიყო ქალი და იმისი საგარეო ჩაცმულობა, ერთი კარგი თავშალი აუცილებლად ექნებოდა.რაც შეეხება ფეხსაცმელებს,არსებობდა სხვადასხვა ტიპის .დღევანდელ გადაცემაში საუბარია თავსაბურავების და ფეხსაცმელების ნაირსახეობაზე, რომლის მასობრივი გამოყენება ხდებოდა სამეგრელოში.
08 / ივლისი 2025
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ოდაბადეშ კინოხონი
17 / ივლისი 2025
დადიანების სასახლეთა საგანძური
ჩვენი თვითმმართველობა
არქივი
«« ივლისი 2025 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.