ახალი ამბები
ფაროსანას გავრცელებისთვის ყველაზე აქტუალური თვე ივლისია, ვურჩევთ ფერმერებს, შეწამლონ ბაღები - თხილის მწარმოებელთა ასოციაცია
2024 წელი თხილის სექტორისთვის, სავარაუდოდ, წარმატებული იქნება. შარშანდელთან შედარებით, ნავარაუდევია 30%-ით მეტი მოსავლის აღება, რომელიც დაახლოებით, 50 ტონას მიაღწევს. ამის შესახებ რადიო "ათინათს" "თხილის მწარმოებელთა ასოციაციის" ხელმძღვანელმა გიორგი თოდუამ უთხრა.

ფასებთან დაკავშირებით ის აღნიშნავს, რომ როგორც ყოველთვის, 2024 წელსაც, ეს ხარისხზე იქნება დამოკიდებული, თუმცა როგორც თვითონ გვეუბნება ე.წ მშრალი თხილის საშუალო ფასი შესაძლებელია, 7-9 ლარი იყოს.

მისივე თქმით, აზიური ფაროსანას გავრცელება ისევ გამოწვევად რჩება.

"მავნებლების იმდენი პოპულაცია არ არის, რაც წინა წლებში იყო, თუმცა, რასაკვირველია, კვლავ სახიფათოა. ფერმერებმა მოსავლის აღებამდე ერთხელ მაინც უნდა შეწამლონ პლანტაცია ფაროსანას წინააღმდეგ. კვერცხებიდან ახლად გაჩენილი ბაღლინჯოები ძალიან სახიფათოა და რამდენიმე ცალიც კი საკმარისია ერთი ჰექტრის დასაზიანებლად. მისი გავრცელებისთვის ყველაზე აქტუალური თვე ივლისია, მოსავლის აღებამდე. შესაძლებელია, შესაწამლი პრეპარატების უფასოდ შეძენა ბარათების მეშვეობით და არ უნდა დავიზაროთ. არ არის აუცილებელი ვიზუალურად ძალიან დიდი რაოდენობის ფაროსანა შემოცვივდეს თხილის ბაღში, მოსავლის დასაზიანებლად ათი ან ოციც საკმარისია. გარდა ამისა, არსებობს თხილისთვის დამახასიათებელი დაავადებები, მათ შორის სოკოვანი და ამიტომ, უმჯობესია, გაითვალისწინონ რჩევა", - ამბობს ის.

სხვა სახის მავნებლებთან დაკავშირებით აღნიშნავს, რომ თხილნარში პეპლების აღმოჩენის რამდენიმე ფაქტი არსებობს, მაგრამ მისივე თქმით, მათი გავრცელების ძალიან მცირე შანსია, მათთან ბრძოლა კი გაცილებით მარტივია.

რაც შეეხება პროდუქტის ექსპორტს, რესპონდენტის განმარტებით, 2024 წელი თხილის ქვეყნის გარეთ გასაყიდად წარმატებული იქნება, რადგან მოსავლის მეტი რაოდენობა და ფასის სტაბილურობა ხელს შეუწყობს მის ექსპორტირებას.

Print Email
FaceBook Twitter
დაფინანსებული
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
ზუგდიდში სურსათის პროდუქტების მნიშვნელოვანი ნაწილი აგრარულ ბაზარში იყიდება. რამდენად უსაფრთხოა სურსათი, რომელსაც აქ ვყიდულობთ, როგორ აკონტროლებენ მოვაჭრეები პროდუქტის ხარისხს და იციან თუ არა ვისი წარმოებულია პროდუქცია. ვრცლად ქუჩის გამოკითხვიდან შეიტყობთ.
სტატია
დღის სიახლეები
18 / მარტი 2025
სტატისტიკის ეროვნული სამსახურის ინფორმაციით, საქართველოს მასშტაბით საშუალო თვიური ნომინალური ხელფასი, გასული წლის შესაბამის პერიოდთან შედარებით, 8.5 პროცენტით (173.0 ლარით) გაიზარდა და 2 217.5 ლარი შეადგინა.
18 / მარტი 2025
წალენჯიხის მუნიციპალიტეტში რამდენიმე ლოკაციაზე - ჯვარში, ასევე, კანთისა და ლეხარჩილეს უბნებში ცეცხლის კერები გასულ ღამეს გაჩნდა, რომელიც ამ დროისთვის სრულად ლიკვიდირებულია. ამის შესახებ რადიო „ათინათს“ წალენჯიხის მერის მოადგილემ თამარ ბელქანიამ უთხრა.
17 / მარტი 2025
ზუგდიდში უწყვეტი პროტესტი გრძელდება. 110 - დღეა, რაც მოქალაქეები სახელმწიფო რწმუნებულის ადმინისტრაციის შენობის წინ იკრიბებიან.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« მარტი 2025 »»
2425262728 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.