საოჯახო მარანი ,,ოდა’’, რომელიც მარტვილში მდებარეობს სოციალურ ქსელში განცხადებას ავრცელებს.

როგორც პოსტშია მითითებული, ფესტივალის მონაწილე გასტრონომიული ღონისძიების სიიდან გუშინ საღამოს მოულოდნელად მოიხსნა.

,,ძვირფასო ხალხო, ვიცით, რომ ბევრი ელოდით ოდას სამეგრელოს Gemo Fest - გემო ფესტიზე. ჩვენც მოუთმენლად ველოდით თქვენთან შეხვედრას! სამწუხაროდ, ჩვენთვის ძალიან უსიამოვნო ამბის გაზიარება გვიწევს - გემო ფესტი / სამეგრელო ოდას, მარტვილის მარნის და კიდევ რამდენიმე მოქალაქეობრივად აქტიური, კარგი ადამიანის გარეშე ჩაივლის. მას შემდეგ, რაც ივლისში ფესტივალის საორგანიზაციო გუნდმა მონაწილეობის მისაღებად მოგვიწვია, შემდეგ - ჩვენთვის ყველაზე დატვირთულ სეზონზე შევძელით და ორჯერ ჩავედით ზუგდიდში ჩვენი კერძებით, მოვიგეთ შეფმზარეულების გულები და მათთან ნაყოფიერად ვიმუშავეთ კერძების განვითარებაზე, გუშინ, საღამოს, მოულოდნელად შევიტყვეთ, რომ ვიღაცამ ფესტივალის სიიდან „მოგვხსნა. გემო ფესტი უნდა იყოს ლხინი, საყოველთაო სიხარული და ჩახუტება. სირცხვილია ყველაფრის პარტიულად თარგმნა, საზოგადოების „ჩემიანებად“ და „დანარჩენებად“ დაყოფა. გულითადი მოკითხვა ჩვენგან მათ, ვინც თავისი ვიწრო თვალსაწიერით საზღვრავს, თითქოს, ასეთი გაუქმებებით დაგვსჯის, ან გაგვაჩუმებს ასევე, ძალიან. სამწუხარო იქნება, თუ ამ ამბით აღშფოთება პირად საუბრებს არ გასცდება და ხმამაღლა არ დაიგმობა.

საქართველოს ტურიზმის ეროვნული ადმინისტრაციის ინიციატივით დაფუძნებული "გემო ფესტი" ზუგდიდში 7 – 8 სექტემბერს გაიმართება. ორგანიზატორებით თქმით, პროექტის მიზანია რეგიონებში გასტრონომიული ტურიზმის ხელშეწყობა, ადგილობრივი სამზარეულოს პოპულარიზაცია, მეწარმეების/ოჯახების წახალისება, შიდა და საერთაშორისო ტურიზმის სტიმულირება.

საოჯახო სასტუმრო ,,ოდაზე'' მომზადებული მასალები იხილეთ  ბმულზე:

მეგრულ-აფხაზური გასტრონომიული კულტურა და "ოდაში" გაცოცხლებული ტრადიციული კერძები

პანდემია და ღვინის ექსპორტით გადარჩენილი საოჯახო მარანი მარტვილში (ფოტო/აუდიო)

რადიო ,,ათინათის'' დილის გადაცემის სტუმარი - ქეთო ნინიძე