ზუგდიდის ბოტანიკურ ბაღში, 7 – 8 სექტემბერს, გემო ფესტი გაიმართება, სადაც შეფების და ადგილობრივი მზარეულების მიერ მეგრული კულინარიის ახლებური ხედვა იქნება წარმოდგენილი.

ამავე ცნობით, ღონისძიების ფარგლებში, ტერიტორიაზე მოეწყობა სხვადასხვა თემატური და გასართობი ზონები, მათ შორის ბავშვებისთვის. 

გასტრონომიული ფესტივალი , რომელიც საქართველოს ტურიზმის ეროვნული ადმინისტრაციის ინიციატივით, წელს პირველად იმართება ზუგდიდში, ჯგუფი "მგზავრების" კონცერტით დასრულდება.

"პროექტის მიზანია რეგიონებში გასტრონომიული ტურიზმის ხელშეწყობა, ადგილობრივი სამზარეულოს პოპულარიზაცია, მეწარმეების/ოჯახების წახალისება, შიდა და საერთაშორისო ტურიზმის სტიმულირება", - ვკითხულობთ ინფორმაციაში.

ფესტივალის დღეებში, ბოტანიკურ ბაღში შესვლა, უფასო იქნება, წერს ბაღის ადმინისტრაცია ფეისბუკის საკუთარ გვერდზე.


ამავე თემაზე:


მეუბნებიან, რომ სამწუხაროდ ვერ მივიღებ მონაწილეობას მათ ღონისძიებაში - "გემო ფესტიდან" ეკა ხუტკუბია მოხსნეს
გუშინ, საღამოს, მოულოდნელად შევიტყვეთ, რომ ვიღაცამ ფესტივალის სიიდან „მოგვხსნა'' - საოჯახო მარანი ,,ოდა“
,,გემო ფესტის'' სიიდან ზუგდიდელი მონაწილე ლიკა როგავა მოიხსნა
7-8 სექტემბერს ზუგდიდში ,,გემო ფესტი’’ გაიმართება