მსხვერპლი მოჰყვა ოჩამჩირის რაიონში მომხდარ ავტოსაგზაო შემთხვევას. ადგილობრივი მცხოვრები, 48 წლამდე ასაკის მამაკაცი, რომელიც Toyota Camry-ს მარკის ავტომობილს მართავდა, საგზაო მოძრაობის წესების დარღვევით მთავარ გზაზე გადავიდა და BMW X5- ის მარკის ავტომობილს დაეჯახა. შედეგად, ის ადგილზე დაიღუპა.

გარემოს ეროვნული სააგენტოს ინფორმაციით, 15-16 მარტს ქვეყნის მასშტაბით, მათ შორის დასავლეთ საქართველოს დაბლობ და სანაპირო რაიონებში თბილი და უნალექო ამინდი შენარჩუნდება.

ზუგდიდის მუნიციპალიტეტის მერიამ აღდგომის დღესასწაულთან დაკავშირებით 44 605 ლარის ღირებულების ტენდერი გამოაცხადა. საუბარია მრავალშვილიანი ოჯახების, დედ-მამით ობოლი ბავშვების, ას წელს გადაცილებული პირების, მეორე მსოფლიო ომში მონაწილე ვეტერანების, მარტოხელა მშობლების, უკიდურესად შეჭირვებული ოჯახების, სოციალური საცხოვრისისა და უფასო სასადილოს ბენეფიციარებისათვის სადღესასწაულოდ სხვადასხვა კვების პროდუქტის შეძენაზე.

სენაკის რაიონულმა სასამართლომ ბალდის კანიონზე თავდამსხმელ გელა ხურცილავას სასამართლომ 10-წლიანი პატიმრობა მიუსაჯა, ხოლო მისმა ძმამ, გიგა ხურცილავამ საპატიმროში 9 თვე გაატარა მოსახლეობის მიმართ მუქარისთვის.