ახალი ამბები
ორი დანგრეული და 20 დაზიანებული სახლი - ჭუბერში ზარალის დათვლა გრძელდება
ჭუბერში 5 ივლისს დაწყებულმა სტიქიამ 2 საცხოვრებელი სახლი და 4 დამხმარე ნაგებობა დაანგრია, ხოლო 21 სახლი მნიშვნელოვნად ან ნაწილობრივ დაზიანდა,  ამის შესახებ რადიო „ათინათს“ მესტიის მუნიციპალიტეტის მერმა კაპიტონ ჟორჟოლიანმა უთხრა.  მისი ინფორმაციით, წაღებულია, დაახლოებით, 1 ჰექტარი საკარმიდამო მიწის ნაკვეთები და სახნავ-სათესი სავარგულები.

„მიუხედავად იმისა, რომ ზარალი თითქმის დათვლილია, ჯერჯერობით, ზუსტ ციფრს ვერ დაგისახელებთ, რადგან ველოდებით ექსპერტების დასკვნებს. მათ უნდა გვითხრან, არსებობს თუ არა მსგავსი სტიქიის გამეორების საფრთხე, რის შემდეგაც გადავწყვეტთ, რამდენად შეიძლება საპრევენციო ღონისძიებების შემდეგ ამ სახლების აღდგენა ან სხვაგან გადატანა. თუ ექსპერტები გვეტყვიან კონკრეტულ ადგილზე, შეიძლება ცხოვრება, ზარალის ოდენობაც შეიცვლება“, - აღნიშნა ჟორჟოლიანმა.

მისივე თქმით, გავრცელებული ინფორმაცია, რომ მოვარდნილმა მდინარემ შინაური პირუტყვი  წაიღო, არასწორია.

„თვითონ მეპატრონეებსაც ეგონათ, რომ საქონელი დაიხოცა, თუმცა, ეს ასე არ არის. ამ პერიოდში პირუტყვი მთის საძოვრებზე მიდის“,-ამბობს ის.

რაც შეეხება ზარალის ანაზღაურებას, ჟორჟოლიანი კონკრეტულ თარიღს ვერ  ასახელებს.

„ამ შემთხვევაში, ჩვენთვის უმნიშვნელოვანესია სწორად მოქმედება და არა სისწრაფე“, - თქვა მერმა.

5 ივლისს ჭუბერში, ხორკალის მთის ნაწილის ჩამოშლის შემდეგ მდინარე ნენსკრა ადიდდა. სტიქიის შედეგად დაზიანდა საავტომობილო გზა, მოვარდნილმა მდინარემ სოფელში არსებული რამდენიმე ხიდი წაიღო.

ამ დროისთვის მდინარეში წყლის დონე დაკლებულია. ადგილზე მუშაობს თავდაცვის სამინისტროს სპეციალური ტექნიკა. სტიქიის პირველი დღიდან ჭუბერში იმყოფებიან სამეგრელო-ზემო სვანეთის გუბერნატორი ლევან შონია და დევნილთა და განსახლების მინისტრი სოზარ სუბარი, რომლებიც საგანგებო შტაბს ხელმძღვანელობენ.


ამავე თემაზე:

ჭუბერში სამუშაოები დღეს დილიდან განახლდა
Print Email
FaceBook Twitter
დაფინანსებული
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
სტატია
ამავე კატეგორიაში
დღის სიახლეები
31 / ივლისი 2025
დღევანდელ გადაცემაში საუბარია მეგრულ ტრადიციულ გართობასა და თამაშებზე – როგორ აერთიანებდნენ ფიზიკურ სიმარდეს, გონიერებასა და გუნდურობას მარულა-ჯირითში, ქუდობაიაში, ჭიდაობასა და სხვა სახალხო თამაშებში.
24 / ივლისი 2025
სამეგრელოში ბავშვების აღზრდა მხოლოდ ოჯახის საზრუნავი არ იყო – ეს იყო მთელი საზოგადოების საქმე. ხალხური წესები და ტრადიციები ბავშვს დაბადების პირველივე დღიდან თან ახლდა. ისინი არა მხოლოდ ზრუნავდნენ ფიზიკურ ზრდაზე, არამედ აყალიბებდნენ პიროვნებასაც – თავისი წესებით, რიტუალებითა და ღირებულებებით.დღევანდელ გადაცემაში გაგაცნობთ იმ საინტერესო წეს-ჩვეულებებს, რომლებიც ბავშვობის ყველა ეტაპს თან სდევდა და რომლებიც დღესაც აღაფრთოვანებს მკვლევრებსა და თაობებს.
17 / ივლისი 2025
ნოდი", ანუ "ნადი", არ იყო მხოლოდ შრომითი ურთიერთდახმარების გრაფიკი ან ტრადიცია. ეს, ძირითადად, იყო კოლექტიური შრომის ერთ-ერთი გზა, როცა ადამიანები ერთობლივად მუშაობდნენ, ხშირად სანაცვლოდ, ერთად. პატარა ოჯახში შრომის სქესობრივი დანაწილება ვერ ხდებოდა ყოველთვის, მაგრამ კოლექტიურ შრომაში ეს პროცესი მაინც იცვლებოდა.დღევანდელ გადაცემაში საუბარია თუ როგორ მიმდინარეობდა "ნოდის" ტრადიცია, როგორ ნაწილდებოდა დღის განმავლობაში შრომის ფუნქციები და როგორ უნდოდა თითოეულ წევრს, რომ ამ პროცესში საკუთარი როლი ეპოვა.
დილის ჩართვა
ოდაბადეშ კინოხონი
დადიანების სასახლეთა საგანძური
ჩვენი თვითმმართველობა
არქივი
«« აგვისტო 2025 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.