სტატისტიკის ეროვნული სამსახურის მონაცემებით, 2023 წელს სამეგრელო-ზემო სვანეთში მუზეუმები 172 000-მა ვიზიტორმა დაათვალიერა. ეს რიცხვი კი 70 000-ით აღემატება წინა წლის მაჩვენებელს.

მათივე განმარტებით, მიმდინარე წელს მუზეუმებში დამთვალიერებელთა რიცხოვნობა, წინა წელთან შედარებით 22.9%-ით გაიზარდა და 2.1 მლნ. კაცი შეადგინა. საშუალოდ ერთ მუზეუმზე 8.1 ათასი მნახველი მოდის.

რაც შეეხება ექსკურსიების რაოდენობას, ის გაზრდილია 18.7%-ით და 46 400-ს შეადგენს. ხოლო გამოფენათა რაოდენობა 916-ს გაუტოლდა.

ინფორმაციისთვის, სამეგრელო-ზემო სვანეთში 32 მუზეუმი ან მუზეუმ-ნაკრძალი ფუნქციონირებს.