საქართველოს ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ თქვა, რომ საქართველოში საპორტო ინფრასტრუქტურის განვითარება მნიშვნელოვანია, თუმცა გასათვალისწინებელია, მისი სახელმწიფოს ინტერესების დაცვით შესრულება.

საბოლოო შედეგი, რაც გვინდა რომ მივიღოთ, არის უფრო გამართული ოპერაციები, მეტი კონკურენტუნარიანობა და ეს ყველაფერი უნდა მოხდეს სახელმწიფოს ინტერესების დაცვით. ყველაფერი ყველაფრის ფასად - ეს არ არის ჩვენი პრინციპი, ასეთი პრინციპი დამაზიანებელი იყო ჩვენი ეკონომიკისთვის წლების განმავლობაში. ამიტომ, ჩვენ პატივს ვცემთ ჩვენს პარტნიორს "ეიპიემ ტერმინალს", რომელიც საერთაშორისო მაღალი რეპუტაციის ოპერატორია, რომელთანაც ჩვენ გვაქვს მჭიდრო დიალოგი.

ანაკლიის პროექტი ძალიან რთულია ინვესტორებისთვის, მით უმეტეს, რომ ეს არის "გრინფილდ" პროექტი და ამიტომ ჩვენ ძალიან დიდი ძალისხმევა ჩავდეთ იმაში, რომ მაქსიმალურად სახელმწიფო ინტერესების გათვალისწინებით მოვახდინოთ ამ პროექტის განხორციელება", - აღნიშნა მან.

მისივე განმარტებით, პროექტები სრულდება გეგმაზომიერად და მისი მიზანია საქართველოს შესაძლებლობების ზრდა.

შეგახსენებთ, ანაკლიის პორტის სახელმწიფო თანამონაწილეობით აშენების გადაწყვეტილება ყოფილმა პრემიერ-მინისტრმა ირაკლი ღარიბაშვილმა 2022 წლის დეკემბერში მიიღო.

2024 წლის სახელმწიფო ბიუჯეტის მიხედვით, ანაკლიის პორტის ინფრასტრუქტურისთვის 50 მლნ ლარია გამოყოფილი.



ამავე თემაზე:

ანაკლიაში ჩინელების ამ დოზით შემოყვანა დანის ჩარტყმაა ამერიკელ, ევროპელ პარტნიორებთან ურთიერთობებში - პრეზიდენტი

ანაკლიის პროექტში პირველი ფაზის საინვესტიციო მოცულობა 600 მლნ დოლარია - პრემიერი

ჩინურ კომპანიას აქვს თაღლითობასა და კორუფციაში მონაწილეობის ისტორია - აშშ-ის სახდეპი ანაკლიის პროექტზე

ჩინეთის ანაკლიაში შემოსვლისას რამდენად დაცული იქნება ქვეყნის უსაფრთხოება, ის ალიანსშია რუსეთთან - მამუკა ხაზარაძე

ანაკლიის პორტის პროექტის გამარჯვებულად ჩინურ კონსორციუმს გამოვაცხადებთ - მინისტრი

ვგეგმავთ, ივნისიდან ანაკლიაში ინფრასტრუქტურული სამუშაოები დავიწყოთ - კობახიძე