სურსათის ეროვნული სააგენტოს ინფორმაციით, ქვეყნის მასშტაბით, საცალო და საბითუმო ობიექტებში შემოწმებული 150 ნიმუშიდან 13-ში ნიტრატების გადაჭარბებული შემცველობა გამოვლინდა. ამის შესახებ ინფორმაცია უწყების ვებ გვერდზე გამოქვეყნდა.

"ნიტრატების შემცველობა დასაშვებ ნორმას აღემატება 13 შემთხვევაში - კარტოფილის, კომბოსტოს, ჭარხლის, ყვავილოვანი კომბოსტოსა და ნესვის ნიმუშებში",- აცხადებს სააგენტო.

ისინი აღნიშნავენ, რომ ბიზნესოპერატორებს მავნე სურსათის რეალიზაციის აღკვეთა, ბაზარზე განთავსებული პროდუქტის გამოთხოვა და ამ მიზნით მიღებული ზომების შესახებ სააგენტოს ინფორმირება დაევალათ.