ერთი თვის განმავლობაში, 2024 წლის 27 სექტემბრიდან 27 ოქტომბრის ჩათვლით, შვებულებით ზუგდიდის მუნიციპალიტეტის მერიის 82-მა თანამშრომელმა, მათ შორის 2-მა თანამდებობის პირმა ისარგებლა. მის შესახებ რადიო "ათინათის" მიერ გამოთხოვილ საჯარო ინფორმაციაშია აღნიშნული.

გთავაზობთ მერიას დაქვემდებარებული შპს-ებისა და ა.(ა).ი.პ-ების თანამშრომლების რიცხვს, რომლებმაც წინასაარჩევნო პერიოდში შვებულებით ისარგებლეს:

ა(ა)ი.პ "ზუგდიდდასუფთავების ცენტრი" - 13

ა(ა)ი.პ "კეთილმოწყობის მართვის ცენტრი" - 28

ა(ა)ი.პ "სპორტულ დაწესებულებათა მართვის ცენტრი" - 5

ა(ა)ი.პ "სკოლამდელ სააღმზრდელო დაწესებულებათა მართვის ცენტრი" - 17

ა(ა)ი.პ "ზუგდიდის მუნიციპალიტეტის სახელოვნებო სკოლების გაერთიანება" - 2

ა(ა)ი.პ "ზუგდიდის მუნიციპალიტეტის მოსწავლე–ახალგაზრდობის სასახლე" - 5

ა.(ა)ი.პ ,, ზუგდიდის ბოტანიკური ბაღი" - 16

ა(ა)ი.პ "საზოგადოებრივი ჯანდაცვის ცენტრი" - 6

ა(ა)ი.პ "ხელოვნებისა და კულტურის განვითარების ცენტრი" - 21

ა(ა)ი.პ "ბიბლიოთეკების მართვის ცენტრი" - 44

ა(ა)ი.პ "საფეხბურთო კლუბი - ოდიში 1919" - 2

შპს "ANAKLIA-GANMUKHURI RESORTS" - 0

შპს "ზუგდიდის მუნიციპალური ტრანსპორტი" - 22

სამეგრელოს დანიშნულების ადგილის მართვის ორგანიზაცია (DMO) - 1

შეგახსენებთ, საქართველოს საპარლამენტო არჩევნები 26 ოქტომბერს ჩატარდა. საარჩევნო კოდექსის მიხედვით, წინასაარჩევნო კამპანია (აგიტაცია) იწყება კენჭისყრის დღემდე 60 დღით ადრე. ამ პერიოდში აგიტაციის გაწევის და აგიტაციაში მონაწილეობის უფლება არ აქვს საჯარო მოხელეებს სამუშაო საათების განმავლობაში და სხვა დროსაც, როდესაც ის უშუალოდ ახორციელებს სამსახურებრივ უფლებამოსილებას.