სტატისტიკის ეროვნული სამსახურის ინფორმაციით, 2025 წლის მარტში, წინა თვესთან შედარებით, სურსათის პროდუქტებზე ფასები 2.8%-ით გაიზარდა.

ფასები მომატებულია ქვეჯგუფებზე:

ბოსტნეული და ბაღჩეული - 7.4%

შაქარი, ჯემი და სხვა ტკბილეული - 6.0%

პური და პურპროდუქტები - 4.8%

მინერალური და წყაროს წყალი, უალკოჰოლო სასმელები და ნატურალური წვენები - 3.6%

ხილი და ყურძენი - 3.0%

ყავა, ჩაი და კაკაო - 2.4%

თევზეული - 1.7%

ზეთი და ცხიმი - 1.1%

ხორცი და ხორცის პროდუქტები - 0.7%

ამასთან, საქსტატში აცხადებენ, რომ ფასები შემცირდა რძის, ყველის და კვერცხის ქვეჯგუფზე 0.3%-ით.

მათივე ცნობით, 2025 წლის მარტში წინა თვესთან შედარებით ინფლაციის დონემ საქართველოში 1.1%, ხოლო წლიური ინფლაციის დონემ 3.5% შეადგინა.