პარლამენტმა სახელმწიფო უსაფრთხოების სამსახურის ხელმძღვანელი დაამტკიცა. ანრი ოხანაშვილის კანდიდატურას საკანონმდებლო ორგანოს პლენარულ სხდომაზე კენჭი უყარეს.

სუს-ის ხელმძღვანელად ანრი ოხანაშვილის დანიშვნას 79-მა დეპუტატმა (0 - წინააღმდეგი) დაუჭირა მხარი.
ის თანამდებობას ექვსი წლის ვადით დაიკავებს.

ოხანაშვილმა სუს-ის ხელმძღვანელის პოზიციაზე გრიგოლ ლილუაშვილი შეცვალა. იქამდე, ის საქართველოს იუსტიციის მინისტრის თანამდებობას იკავებდა.

ცნობისთვის, 2 აპრილს, ირაკლი კობახიძემ ბრიფინგზე მთავრობაში დაგეგმილ საკადრო ცვლილებებზე ისაუბრა. მან თქვა, რომ საქართველოს რეგიონული განვითარებისა და ინფრასტრუქტურის სამინისტრო განცალკევდება. რეგიონული განვითარების მინისტრი გრიგოლ ლილუაშვილი იქნება, ხოლო ინფრასტრუქტურის მინისტრად ირაკლი ქარსელაძე დარჩება.

კობახიძის განცხადებით, იუსტიციის მინისტრის თანამდებობაზე პარლამენტს პაატა სალია წარედგინება. ის მეთერთმეტე მოწვევის პარლამენტში "ქართული ოცნების" დეპუტატი იყო, ასევე, ტელეკომპანია "რუსთავი 2-ის" გენერალური დირექტორი, მანამდე კი ბიზნესმენ ქიბარ ხალვაშის ადვოკატი ტელეკომპანიის საკუთრებასთან დაკავშირებულ დავაში.