„ქართული ოცნების“ წინასაარჩევნო პროგრამაში ახალი დაპირებები ჩაიდება, მათ შორის პენსიების საკითხზეც, - აცხადებს „ქართული ოცნების“ აღმასრულებელი
მდივანი ირაკლი კობახიძე. იგი ეკონომიკური პროფილის ექსპერტებს შეხვდება წინასაარჩევნო პროგრამის მიმართულებასთან დაკავშირებით.

"პროგრამა მზადდება და მასში ჩაიდება ახალი დაპირებებიც, ეს იქნება რეალისტური დაპირებები, რომლებიც აუცილებლად შესრულდება მომდევნო ოთხი წლის განმავლობაში. ეს შეეხება ყველა მიმართულებას, მათ შორის პენსიების საკითხსაც, არამარტო საპენსიო განაკვეთს, არამედ იმ საპენსიო რეფორმას, რომელზეც მთავრობა მუშაობს“, - განაცხადა მან.

მისივე თქმით, „ქართული ოცნების“ საარჩევნო სიებთან დაკავშირებით ნაწილობრივი სწორი და ნაწილობრივ არასწორი ინფორმაციები ვრცელდება და ყველაფერს საზოგადოება მიმდინარე თვეში გაიგებს.