საქართველოს სასკოლო ჩემპიონატი ჭადრაკში ზუგდიდელი მოჭადრაკეებისთვის წარმატებით დასრულდა. ტურნირში მონაწილეობა ზუგდიდის "სპორტის განვითარების ცენტრთან" არსებულმა სასპორტო საჭადრაკო სკოლამ მიიღო. გუნდურ ჩათვლაში სამეგრელო თბილისის შემდეგ მეორე ადგილზე გავიდა.




9 წლამდე ასაკის მოჭადრაკეებში საქართველოს ჩემპიონი ნიკოლოზ შამათავა გახდა, ხოლო 13 წლამდელთა შორის მესამე ადგილი გიორგი ნაყოფიამ დაიკავა.

მათ მსოფლიო ჩემპიონატის საგზურიც მოიპოვეს, რომელიც რუმინეთის ქალაქ იასიში 21 აპრილიდან 1 მაისის ჩათვლით ჩატარდება.

ტურნირი 31 იანვრიდან 10 თებერვლის ჩათვლით თბილისის ჭადრაკის სასახლეში გაიმართა. გამარჯვებულები საქართველოს სპორტისა და ახალგაზრდობის მინისტრმა ტარიელ ხეჩიკაშვილმა დააჯილდოვა.