ზუგდიდის ივერიის ღვთისმშობლის სახელობის საკათედრო ტაძარში ბზობის დღესასწაულთან დაკავშირებით საღმრთო ლიტურგია ზუგდიდისა და ცაიშის მიტროპოლიტმა მეუფე გერასიმე შარაშერიძემ აღავლინა. მან ბზობის დღესასწაულის მნიშვნელობაზე ისაუბრა და აღნიშნა, რომ მრევლი ყველა წესსა და რეკომენდაციას ითვალისწინებს.



რაც შეეხება იმას, თუ რა ფორმატით ჩატარდება საღმრთო ლიტურგია აღდგომის ღამეს, ზუგდიდისა და ცაიშის მიტროპოლიტმა აღნიშნა, რომ ამასთან დაკავშირებით, კათოლიკოს - პატრიარქის ილია მეორის მითითებას ელოდება.


წირვის დასასრულს მეუფე გერასიმემ მრევლს ბზის ტოტები და ტკბილეული დაურიგა.