ფოთში კორონავირუსის პირველი შემთხვევა დაფიქსირდა. ინფიცირებული ექიმია, რომელიც ქობულეთის სამედიცინო ცენტრში მუშაობდა.

,,პირველ რიგში ვიკვლევთ ოჯახის წევრებს, შემდეგ გავაგრძელებთ კვლევებს. ის გუშინდელი დღიდან იმყოფებოდა თვითიზოლაციაში, მოგვმართა საზოგადოებრივ ჯანდაცვას , რის შემდეგაც ჩვენ საჭიროდ ჩავთვალეთ, აგვეღო ბიოლოგიური მასალა და გაგვეგზავნა ლუგარის ლაბორატორიაში,“- განაცხადა ფოთის საზოგადოებრივი ჯანდაცვის ცენტრის დირექტორმა ნანა მხეიძემ.

ექიმის ოჯახის წევრები  თვითიზოლაციაში არიან და მათი ბიოლოგიური მასალა გაგზავნილია ლუგარის ლაბორატორიაში, პასუხი კი ხვალ იქნება ცნობილი.