ზუგდიდში, საგანგებო რეჟიმის წესების დარღვევისთვის პოლიციამ ერთი ოჯახის წევრები 6 000 ლარით დააჯარიმა. ამის შესახებ სამეგრელო-ზემო სვანეთის გუბერნატორმა ალექსანდრე მოწერელიამ ჟურნალისტებს უთხრა. 

"არავის გვიხარია 3 000 ლარიანი ჯარიმების გამოწერა, მაგრამ კიდევ ერთხელ მინდა ყველას ვუთხრა,  პოლიცია იმოქმედებს კომპრომისის გარეშე, გთხოვთ ეს გაითვალისწინოთ - ყველა დაჯარიმდება. გუშინ მოუწიათ ერთი ოჯახის წევრებზე სამწუხაროდ 6000 ლარის გამოწერა", - თქვა მან. 

დღეიდან ზუგდიდის, სავარაუდოდ ხვალ კი ფოთის ბაზარიც დაიხურება. სახელმწიფო რწმუნებულის თქმით, მიუხედავად ყველა გაფრთხილებისა, სავაჭრო ობიექტების ტერიტორიაზე მოქალაქეების ნაკადი არ შემცირებულა.