ზუგდიდის საზოგადოებრივი ჯანდაცვის ცენტრის ინფორმაციით, ინფექციური საავადმყოფოს ლაბორატორიაში გუშინ Covid19-ზე 84 პირის ბიოლოგიური ნიმუში გაიტესტა. ​გამოკვლეულთა შორის არიან ცხელების ცენტრების პაციენტები, სამედიცინო პერსონალი, შს სამინისტროს და ფოთის საბაჟოს თანამშრომლები, ასევე ანაკლია-განმუხურის საკარანტინო სივრცეში მყოფი მოქალაქეები. 83 პასუხი უარყოფითია, ხოლო ერთი პაციენტის ნიმუში წუნდებულია და მოხდება განმეორებითი ტესტირება.

ამავე ცნობით, რუხის საავადმყოფოში მოთავსებული კოვიდ-დადასტურებული პირის განმეორებითი ტესტირების შედეგი უარყოფითია და ის გამოჯანმრთელებულად ითვლება.  კლინიკაში ამ ეტაპზე მხოლოდ ერთი კოვიდ-ინფიცირებული პაციენტი რჩება.

რეგიონის მასშტაბით კარანტინში 91 პირი იმყოფება, 30 მოქალაქე კი თვითიზოლაციაშია.