ინფექციური საავადმყოფოს კლინიკური დირექტორის, მარინა ეზუგბაიას თქმით, ქვეყნის მასშტაბით კორონავირუსის 165 ახალი შემთხვევა დაფიქსირდა. აქედან 109 აჭარაში, ხოლო 17 თბილისში  გამოვლინდა. მისივე ცნობით, 4 შემთხვევა იმპორტირებულია.

"დაგვემატა 165 შემთხვევა და ინფიცირებულების რაოდენობა 2392-ს შეადგენს. ყველაზე ბევრი, 109 შემთხვევა არის აჭარაში, რომელიც საყურადღებოა და ძალიან დიდი სამუშაოები მიმდინარეობს", - აღნიშნა ეზუგბაიამ.

ვებგვერდის stopcov.ge გამოქვეყნებული მონაცემებით ქვეყნის მასშტაბით სტაციონარში მეთვალყურეობის ქვეშ 836 პირი იმყოფება, კორონავირუსისგან სულ 1369 პაციენტი გამოჯანმრთელდა.