20 სექტემბერს სამეგრელო-ზემო სვანეთის მასშტაბით კოვიდ19-ზე 253 მოქალაქე გაიტესტა. აქედან, 6 მათგანს ინფექცია დაუდასტურდა. ამის შესახებ მხარის გუბერნატორის მოვალეობის შემსრულებელმა ისაუბრა. მალხაზ თორიას ცნობით, 2 დადასტურებული შემთხვევა ე.წ. საბერიო კლსტერს განეკუთვნება. ინფიცირებულები რუხის კლინიკაში უკვე მოათავსეს. ფოთში ოჯახის 3 წევრს დაუდგინდა, ხოლო 1 სენაკში დაფიქსირდა, რომლის ინფიცირების წყარო უცნობია.

რაც შეეხება რუხის საავადმყოფოს, აქ 44 კოვიდინფიცირებული მკურნალობს, ხოლო რეგიონის საკარენტინო სივრცეებში 133 მოქალაქე იმყოფება.

21 სექტემებრს 340 ნიმუში აიღეს, პასუხები მოგვიანებით გახდება ცნობილი.