დაავადებათა კონტროლის და საზოგადოებრივი ჯანმრთელობის ეროვნული ცენტრის ხელმძღვანელის ინფორმაციით, კორონავირუსით 23-ე პაციენტი გარდაიცვალა. ამირან გამყრელიძემ მთავრობის ადმინისტრაციაში გამართულ ბრიფინგზე აღნიშნა, რომ პაციენტის მდგომარეობა მძიმე იყო.

"სამწუხაროდ, გვყავს 23-ე გარდაცვლილი. თბილისში ერთ-ერთ კლინიკაში გარდაიცვალა საქართველოს არაკონტროლირებადი ტერიტორიიდან გადმოყვანილი პირი. მისი ჯანმრთელობის მდგომარეობა იყო მძიმე",- განაცხადა გამყრელიძემ.

60 წლამდე მამაკაცი თბილისის რესპუბლიკურ საავადმყოფოში 14 სექტემბერს შეიყვანეს.

ინფორმაციისთვის, დილით კოვიდ19-ით საქართველოში ორი პაციენტი გარდაიცვალა.