27 ოქტომბერს დე ფაქტო რესპუბლიკაში 467 პირის ბიოლოგიური ნიმუში გამოიკვლიეს, მათგან 113-ს კორონავირუსი დაუდასტურდა. ინფორმაციას ოპერატიული შტაბი ავრცელებს.

ბოლო მონაცემებით გუდაუთის ინფექციურ საავადმყოფოში მკურნალობის კურსს 118 კოვიდ პაციენტი გადის. მათგან 26 მძიმე მდგომარეობაშია. კლინიკიდან 10 ადამიანი გაეწერა.

მობილურ ჰოსპიტალში, რომელიც სასტუმრო "აიტარის" ტერიტორიაზეა მოწყობილი, 54 კოვიდინფიცირებული მკურნალობს. 4-ის ჯანმრთელობის მდგომარეობა მძიმეა.

პანდემიის დაწყებიდან დღემდე აფხაზეთში კორონავირუსის 3952 შემთხვევა დაფიქსირდა, მათგან გამოჯანმრთელებულია 1474 პირი. გარდაცვლილთა რაოდენობა 36-ს შეადგენს.