სამეგრელო-ზემო სვანეთის მასშტაბით კორონავირუსით კიდევ 108 ადამიანი დაინფიცირდა, სულ ქვეყანაში 1 527 ახალი შემთხვევაა. ინფორმაციას მთავრობის ადმინისტრაცია ავრცელებს. ამავე ცნობით, პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 227 420-ს.

ბოლო მონაცემებით ქვეყანაში Covid 19-ით გარდაცვალების 24 ახალი შემთხვევა დაფიქსირდა. საქართველოში ვირუსს ჯამში 2 505 პირი ემსხვერპლა. გამოჯანმრთელდა კიდევ 1 282 პირი, ხოლო ჯამში გამოჯანმრთელებულთა რაოდენობა გაიზარდა 211 727-მდე.