აფხაზეთის დე ფაქტო რესპუბლიკაში Covid 19-სგან მოსახლეობის დაცვის მიზნით შექმნილი ოპერატიული შტაბის ინფორმაციით, ბოლო დღე - ღამის განმავლობაში აფხაზეთში 161 ადამიანი გამოიკვლიეს და მათგან 11-ს კორონავირუსი დაუდგინდა. ამავე მონაცემებით, კორონავირუსით ერთი პაციენტი გარდაიცვალა. 1958 წელს დაბადებული მამაკაცი, გუდაუთის საავადამყოფოში მკურნალობდა.

ამ ეტაპზე, გუდაუთის კლინიკაში 44 კოვიდდადებითი პირი მკურნალობს, მათგან 15-ის მდგომარეობა მძიმეა. სოხუმის ინფექციურში - 10 კოვიდ ინფიცირებულია მოთავსებული, ოჩამჩირის
ცენტრალურ საავადმყოფოში - 6, ტყვარჩელში - 3, გაგრის ცენტრალურ საავადმყოფოში - 14, სოხუმში განთავსებულ რუსეთის სამხედრო ჰოსპიტალში 9 პაციენტი იმყოფება.

სოხუმმა პანდემიის დაწყებიდან დღემდე კორონავირუსის 12 788 შემთხვევა აღრიცხა, გარდაცვლილია  - 198 პაციენტი, 12 169 ადამიანი კი გამოჯანმრთელდა.