კორონავირუსით ინფიცირების შემთხვევების მატების გამო ზუგდიდის მეოთხე საჯარო სკოლა ორშაბათიდან სწავლების დისტანციურ რეჟიმზე გადადის. ამის შესახებ რადიო "ათინათს" ადგილობრივი რესურსცენტრის ხელმძღვანელის მოვალეობის შემსრულებელმა მამუკა ბულიამ უთხრა. მისივე ინფორმაციით, ბოლო 3 დღეში Covid-19 სულ 5 მოსწავლეს დაუდასტურდა. 

"2 ბავშვი ერთი ოჯახის წევრია, დანარჩენი 3 კი უფროსკლასელები არიან, ერთი კლასის მოსწავლეები", - გვითხრა მან.

ონლაინ სწავლება აღნიშნულ სკოლაში 29 აპრილის ჩათვლით გაგრძელდება.