ბოლო 24 საათში ქვეყნის მასშტაბით ჩატარდა 38 468 კვლევა ტესტით, მათ შორის 27 651 კვლევა ანტიგენის ტესტით და 10 817 PCR ტესტით. სულ გამოვლინდა ინფიცირების 1390 ახალი შემთხვევა, აქედან 73 სამეგრელო-ზემო სვანეთში. საქართველოში პანდემიის გავრცელებიდან დღემდე გამოვლენილი შემთხვევების საერთო რაოდენობა გაიზარდა 327 831-მდე.

ვირუსისგან განიკურნა კიდევ 1 070 პირი, მათგან 63 სამეგრელო-ზემო სვანეთში. ჯამში გამოჯანმრთელებულთა რაოდენობა 307 344-მდე გაიზარდა.

ამ ეტაპზე ინფიცირების მიმდინარე 16 074 აქტიური შემთხვევიდან 4 253 ადამიანი საავადმყოფოშია მოთავსებული, მათ შორის სამეგრელოს კოვიდცენტრებში  291 პაციენტი მკურნალობს.

კორონავირუსით ქვეყანაში კიდევ 18 ადამიანი გარდაიცვალა. პანდემიის გავრცელებიდან დღემდე ვირუსს ჯამში 4 397 პირი ემსხვერპლა.