აფხაზეთის დე ფაქტო რესპუბლიკაში, ბოლო მონაცემებით, 202 ადამიანი გამოიკვლიეს, მათგან 46 - ს ჩოვიდ–19 დაუდასტურდა, ინფორმაციას ოპერატიული შტაბი ავრცელებს. მათივე მონაცემებით, 8 და 9 ივნისს, კორონავირუსით ორი პაციენტი გარდაიცვალა, 65 და 80 წლის ქალები გუდაუთის კლინიკაში იყვნენ მოთავსებული.

ამ ეტაპზე გუდაუთის კლინიკაში 27 კოვიდდადებითი პირი მკურნალობს, მათგან 7 - ის მდგომარეობა მძიმეა. სოხუმის ინფექციურში - 34 პაციენტია მოთავსებული, მათგან 8 ადამიანია მძიმე მდგომარეობაში, ოჩამჩირის საავადმყოფოში - 11, გაგრის საავადმყოფოში - 17, ტყვარჩელში კი 7.

პანდემიის დაწყებიდან დღემდე აფხაზეთში კორონავირუსით ინფიცირების 15 595 შემთხვევა დაფიქსირდა, გამოჯანმრთელდა 14 983, გარდაიცვალა 238 კოვიდინფიცირებული პაციენტი.