გასული დღე-ღამის განმავლობაში აფხაზეთში კორონავირუსით ინფიცირებული კიდევ 3 ადამიანი გარდაიცვალა. ისინი სოხუმის ინფექციურ საავადმყოფოში გადიოდნენ მკურნალობის კურსს. ამ ეტაპზე დე ფაქტო რესპუბლიკის კოვიდცენტრებში სულ 254 პაციენტი მკურნალობს, მათგან 61 მძიმე მდგომარეობაშია.

ბოლო 24 საათში გამოკვლეული 391 ადამიანიდან ვირუსი 97-ს დაუდასტურდა.

პანდემიის დაწყებიდან დღემდე აფხაზეთში Covid 19-ით ინფიცირების 23 651 შემთხვევა დაფიქსირდა. გამოჯანმრთელდა 19 207, ხოლო გარდაიცვალა 345 პირი.