გასული დღე-ღამის განმავლობაში აფხაზეთში კორონავირუსზე ტესტირება 316 ადამიანს ჩაუტარდა და გამოვლინდა ინფიცირების 110 ახალი შემთხვევა. ინფორმაციას ოპერატიული შტაბი ავრცელებს. ამავე ცნობით, ბოლო დღე - ღამეში კორონავირუსით გარდაცვალების შემთხვევები არ დაფიქსირებულა.

ამ ეტაპზე გუდაუთის კოვიდკლინიკაში 99 ინფიცირებული გადის მკურნალობის კურსს, მათგან 28-ის მდგომარეობა მძიმეა, სოხუმის ინფექციურ საავადმყოფოში 26 პაციენტია მოთავსებული, მათგან მძიმედაა 18, ოჩამჩირის ცენტრალურ საავადმყოფოში - 15, გაგრის კლინიკაში – 24, მათგან 8 - მძიმე მდგომარეობაშია, ხოლო ტყვარჩელში 12. რუსულ სამხედრო საველე ჰოსპიტალში კი 66 პაციენტი იმყოფება.

პანდემიის დაწყებიდან დღემდე, აფხაზეთში კორონავირუსის 24819 შემთხვევა აღირიცხა, გარდაიცვალა - 370, გამოჯანმრთელდა 20 508 მოქალაქე.