რუხის კოვიდმიმღებ კლინიკაში ბოლო 24 საათის განმავლობაში კიდევ 4 პაციენტი გარდაიცვალა. მათგან 2 პაციენტი, 57 და 73 წლის მამაკაცები ზუგდიდის, 42 წლის მამაკაცი წალენჯიხის, 57 წლის მამაკაცი კი ჩხოროწყუს მკვიდრია. 

ამ ეტაპზე აღნიშნულ საავადმყოფოში მკურნალობას 188 ინფიცირებული აგრძელებს, მათგან 49 პაციენტის ჯანმრთელობის მდგომარეობა მძიმეა.  სულ სამეგრელოს მასშტაბით არსებულ კოვიდცენტრებში 450-მდე ადამიანია მოთავსებული.

ბოლო 24 საათში ქვეყნის მასშტაბით კორონავირუსით ინფიცირებული 73 ადამიანი გარდაიცვალა. პანდემიის გავრცელებიდან დღემდე ვირუსს ჯამში 7 101 პირი ემსხვერპლა.