რუხის კოვიდმიმღებ კლინიკაში ბოლო დღე-ღამის განმავლობაში ორი ინფიცირებული გარდაიცვალა. სამხარეო ადმინისტრაციის ინფორმაციით, გარდაცვლილია 59 წლის ზუგდიდში მცხოვრები ქალი და 58 წლის ხობელი მამაკაცი.

ამავე მონაცემებით, რეგიონის მასშტაბით კოვიდკლინიკებში 445 ინფიცირებული მკურნალობს, მათგან მძიმეა 60 პაციენტის ჯანმრთელობის მდგომარეობა, 102 კი საშუალო სიმძიმისაა.

ამ ეტაპზე საკარანტინე სივრცეში იმყოფება 23 კოვიდინფიცირებული მოქალაქე, გამოჯანმრთელდა 264 პირი.

ბოლო 24 საათში სამეგრელო-ზემო სვანეთში კორონავირუსი კიდევ 171 ადამიანს დაუდასტურდა.