ბოლო 24 საათში სამეგრელოში კორონავირუსით ინფიცირებული 3 პირი გარდაიცვალა. სამეგრელო-ზემო სვანეთის სამხარეო ადმინისტრაციის ინფორმაციით, 86 წლის ქალი მარტვილიდან, ხოლო 59 და 76 წლის მამაკაცები ხობიდან არიან. 

რეგიონის მასშტაბით არსებულ კოვიდცენტრებში 462 ადამიანი მკურნალობს. მძიმე მდგომარეობაშია რუხის საავადმყოფოს 55, ფოთის "ბომონდის" 3 და სენაკის "ლაზიკა მედის" 2 პაციენტი.

კარანტინში 26 ინფიცირებული პირი რჩება. 

დღის განმავლობაში გამოჯანმრთელთა რაოდენობა 251-ს შეადგენს.