დე ფაქტო რესპუბლიკის ოპერატიული შტაბის მონაცემებით აფხაზეთში ტესტირება 157 ადამიანს ჩაუტარდა, მათგან 58-ს კორონავირუსი დაუდასტურდა. ამავე ცნობით, რეგიონის კოვიდმიმღებ სამედიცინო დაწესებულებებში 63 ადამიანი მკურნალობს, აქედან 15 პაციენტის ჯანმრთელობის მდგომარეობა მძიმეა.

გუდაუთის ცენტრალურ საავადმყოფოში 1 პაციენტი, 88 წლის მამაკაცი გარდაიცვალა. 

პანდემიის დაწყებიდან დღემდე აფხაზეთში კორონავირუსით ინფიცირების 52 952 შემთხვევა დადასტურდა. გამოჯანმრთელდა 48 059, ხოლო გარდაიცვალა 669 ადამიანი.