ადოლფ ჰიტლერის მიერ 1914 წელს აკვარელში შესრულებულ ნახატს 22 ნოემბერს აუქციონზე გასაყიდად გაიტანენ. ვარაუდობენ, რომ ნახატის ფასი 50 ათას ევროს მიაღწევს. აუქციონერ ქეთრინ ვაილდერის თქმით, ჰიტლერის ნახატი „სამოქალაქო რეესტრი და მიუნხენის ძველი ქალაქის დარბაზი“ ერთ-ერთია იმ 2000 ნახატიდან, რომლებიც ჰიტლერმა 1905-1920 წლებში შექმნა. მაშინ მას სურდა მხატვარი გამხდარიყო. ვაილდერის იმ მოსაზრების პასუხად, თითქოს მესამე რაიხის დიქტატორის ნამუშევრის აუქციონზე გატანა უგემოვნობაა, ამბობს, რომ ეს ისტორიული ნახატია. ჰიტლერი თავის ავტობიოგრაფიულ ნაშრომში, „ჩემი ბრძოლა“, გულგატეხილი წერდა, რომ მხატვრად გახდომის სურვილი ვენის სახვითი ხელოვნების აკადემიის უარმა ჩაუკლა. ნახატის საწყისი ფასი 4, 500 ათასი ევროა. გაყიდვიდან შემოსული თანხის 10 პროცენტი ქველმოქმედებას მოხმარდება. ჰიტლერის სხვა ხუთი ნახატი აუქციონზე 80 ათას ევროდ გაიყიდა.